DILI,
(TATOLI) - Timor-Leste la´ós de´it alkansa estabilidade internál, em
termos derekonsiliasaun no paz, maibé mós goza relasaun amizade no kooperasaun
forte ho nia viziñu Austrália no Indonézia, hateten Prezidente Repúblika,
Francisco Guterres, Lú-Olo.
“Ami
hametin ami-nia relasaun ho nasaun hotu iha sudeste Ázia no forum Illa Pasífika
sira,” haktuir prezidente Francisco Guterres liuhusi nia diskursu iha salaun
MNEC, Praia dos Coqueiros, Díli, horseik.
Nia
reforsa, Timor-Leste aplika atu sai membru ASEAN (Association of Southeast
Asian Nation), organizasaun intergovernamentál ba rejiaun naturál. Timor-Leste
ho ativu prepara atu asesu ba ASEAN ho susesu.
Timor-Leste
dezempeña papel importante iha prosesu rejionál inklui protesaun oseanu,
seguransa no luta kontra tráfiku umanu no kríme organizadu enjerál.
“Ami
determinadu hodi haforsa ami-nia kontribuisaun ba dezenvolvimentu no
estabilidade iha rejiaun, iha nível hotu,” afirma xefe estadu ne´ebé nu´udar
mós eis-guerrileiru ida iha Timor-Leste ne´e.
Hodi
refosa katak hirak ne´e hotu no atinjimentu sira seluk nu´udar parte ida husi
relasaun ne´ebé Timor-Leste estabelese ho Nasaun Unida ho parseiru
dezenvolvimentu iha Ázia no mundu tomak.
Sai
husi Ázia, Timor-Leste mós dezenvolve relasaun amizade no kooperasaun ho Xina,
Japaun, Repúblika Korea no Nova Zelandia.
Nune´e
mós, iha kontinente seluk, ho Estadu Unidu Amérika (EUA) no poder Europeia
barak iha nível bilaterál inklui nasaun membru CPLP (Comunidade dos Países da
Língua Portuguesa) sira, iha kontinente Áfrika.
Entretantu,
relasaun internasionál Repúblika Demokrátika Timor Leste (RDTL) konsagra iha
nia konstituisaun, iha artigu 8º hafoin nasaun ne´e hetan indepedénsia iha 1999
liuhusi referendum, ho pursentu 78,50 husi totál votantes na’in 451,792.
Jornalista:
Rafy Belo | Editór: Manuel Pinto
Sem comentários:
Enviar um comentário