Tribunal Rekursu valida rezultadu sira, vitória Fretilin nian

Tribunal Rekursu timoroan valida ona iha loron-tersa ne'e rezultadu ikus sira hosi lejislativu loron 22 Jullu nian, hodi konfirma vitória hosi Fretilin, permiti atu Prezidente Timor-Leste konvida partidu hodi harii governu.

Deolindo dos Santos, prezidente hosi Tribunal Rekursu nian le ona desizaun iha audiénsia ida ho reprezentante sira hosi partidu polítiku sira, prezidente hosi Komisaun Nasional ba Eleisaun nian (CNE) no observador sira nasional no internasional nian.

"Grupu juís ne'e desidi katak eleisaun sira ne'ebé hala'o iha loron 22 Jullu hanesan válidu no nia rezultadu sira ne'ebé fó sai maka agora proklama hosi prezidente Tribunal Rekursu nian", hatete hosi Deolindo dos Santos, bainhira le desizaun.

Desizaun, asina hosi juís na'in tolu hosi Tribunal Rekursu nian, Deolindo dos Santos, Guilhermino da Silva ho Natércia Gusmão, nota ona katak tabulasaun nasional ne'ebé halo hosi CNE la'ós hanesan rekursu no la hetan iregularidade sira iha prosesu votasaun nian.

"Apuramentu ne'ebé halo hosi komisaun ne'e hanesan loos no konversaun hosi votu sira iha mandatu no atribuisaun hosi mandatu sira halo ho baze hosi lei ne'ebé iha vigor", konsidera hosi tribunal.

Desizaun hosi sertifikasaun ba rezultadu sira, ne'ebé agora sei publika iha Jornal Repúblika, sertifika númeru ikus sira ne'ebé hetan hosi forsa polítika hamutuk 21 ne'ebé maka aprezenta ona ba eleisaun loron 22 Jullu, ne'ebé partidu lima ultrapasa limiti hosi 4% hosi votu válidu sira ne'ebé presiza hosi bele halo parte iha Parlamentu Nasional.

Hafoin kontajen hosi nível munisipal, CNE hala'o ona tabela nasional ba votu sira, desidi mós kona-ba votu reklamadu menus 200.

Rezultadu ikus sira ne'ebé agora komprova hosi Tribunal Rekursu konfirma ona katak Frente Revolucionária de Timor-Leste Independente (Fretilin) hetan votu hamutuk 168.480 (29,7% hosi total), halo hetan fatin 23 iha Parlamentu, Fretilin hetan liu votu 1.135 duké Congresso Nacional da Reconstrução Timorense (CNRT), ne'ebé konsege hetan votu 167.345 (29,5% hosi total) no hetan deputadu na'in 22.

Partidu Libertasaun Popular (PLP) hetan votu 60.098 (10,6% hosi total), garanti ona fatin ualu iha parlamentu, Partidu Demokrátiku (PD) hetan votu hamutuk 55.608 (9,8% hosi total) no deputadu hitu, no ikusmai maka partidu Kmanek Haburas Unidade Nacional Timor Oan (KHUNTO) ho votu 36.547 (6,4% hosi total) no hetan fatin lima.

Ema timoroan hamutuk 583.956 maka vota ona. Konsidera ona votu válidu hamutuk 568.070 (97,28%), votu mutin hamutuk 4.097 (0,70%) no votu la vale hamutuk 11.711 (2,1%), refere hosi desizaun ne'e.

Xefe Estadu timoroan, Francisco Guterres Lu-Olo, karik sei halo deklarasaun ba nasaun kona-ba eleisaun iha loron-kuarta, nune'e bele hahú rona partidu polítiku sira iha loron-kinta, hatete hosi fonte Prezidénsia nian ba Lusa.

Ne'e maka hanesan rezultadu ikus sira hosi eleisaun parlamentar sira 2017 nian iha Timor-Leste:

Partidu Votu %

1 FRETILIN 168480 29,7%

2 CNRT 167345 29,5%

3 PLP 60098 10,6%

4 PD 55608 9,8%

5 KHUNTO 36547 6,4%

6 PUDD 15887 2,8%

7 UDT 11255 2,0%

8 FM 8849 1,6%

9 PEP 6775 1,2%

10 APMT 5461 1,0%

11 BUP 4999 0,9%

12 PST 4891 0,9%

13 PSD 4688 0,8%

14 PR 3951 0,7%

15 PDN 3846 0,7%

16 CASDT 2330 0,4%

17 PDP 2079 0,4%

18 PDC 1764 0,3%

19 MLPM 1332 0,2%

20 UNDERTIM 1216 0,2%

21 PTD 661 0,1%

SAPO TL ho Lusa | Foto@ António Dasiparu/EPA