Edukasaun Diak Mai Husi Uma Laran

DILI - Edukasaun diak ba iha oan sira mai husu inan ho aman, tanba agora nee labarik barak mak utiliza sala sira nia direitu hodi halakon kultura.

“Realidade maka hatudu dadauk katak,labarik barak uja sala modern halo buat hotu tuir sira nian hakarak no hatais buka roupa badak haluha tiha ita kultura timor nian, wainhira redus labarik sira husi hahalok nee fila ba inan aman,”katak Maria Amaral ba stl iha Taibesi, Dili, Kuarta (13/09/2017).

Nia informa tan katak atu eduka labarik sira sai labarik neebe diak no labarik neebe maka hadomi familia no hadomi nian kultura nee fila ba ita nian inan aman rasik maka eduka, tanba saida maka nia dehan hanesan nee, tanba labarik barak liu nee iha  inan aman nian leet dukue iha escolar.

“Ita hare realidade neebe maka iha oan sira balun ba escolar mos hatais latuir ona regra neebe maka iha, tanba sira hare ba mundu ohin loron mundu modern entau sira mos uja roupa tuir modern, maibe bainhira inan aman fo atensaun nafatin ba oan sira,” nia dehan.

Iha sorin seluk xefi koordenador Eskola Baziku Filial 04 Kuluhun, Dili, Domingos Magno hatete katak estudante iha eskola oras balun deit maibe tempu barak nee iha uma, tanba nee bainhira estudante fila ba uma inan aman persija tau atensaun ba labarik sira.

“Estudante Tempu barak liu iha uma tanba nee maka inan aman sira tenki didika oan sira iha uma tanba iha oras 08.30 entrega ba ami too iha 12.00 liu husi oras nee neee ami entrega fali ona oan sira ba inan aman atu eduka,” nia dehan.

Nia hatutan tan katak inan aman sira bainhira labarik sira fila ba uma persija tau matan noa atensaun ba sira, iha eskola professor sira hanorin tiha ona fila ba uma, husu ba inan aman husu no hanorin tan sira, labele tau hela deit pasta ba mesa leten depois husik lao badiu deit depois dader husik mai fali deit eskola ida nee sira labele aprende buat ida husi inan aman rasik.

Edukasaun Inportante Ba Labarik Nia Futuru

Edukasaun maka sai save ba dezenvolvimentu kuandu laiha edukasaun maka la mosu lideransa hanesan dadaun ulun boot sira neebe agora kaer ukun iha uma fukun Parlamentu Nasional no mos iha governu.

Hau nuudar akademika ida, hau nian hanoin edukasaun nee importante tebes ba ita nian rai kuandu laiha dukasaun ita lebele hatene hakerek lee no hakerek no lahatene saida maka moral, maibe husi edukasaun ita hatene lee no hakerek ita hatene saida maka moral no saida maka diak ba futuru” katak Celina Soares ba STL iha Kampus UNPAZ, Dili, Kuarta (13/09/2017).

Nian hatutan husi edukasaun ema bele sai professor no sai juis, no tuur iha parlamentu no sai premeiru munistru, tanba nee maka edukasaun nee importante tebes ba iha Timor Leste.

“liu husi edukasaun ita bele sai professor no sai doutora no juis, PM no PN, kuandu laiha edukasaun ema mos labele hatene lee no hakerek tanba nee maka edukasaun nee sai save importante ba dezenvolvimentu iha rai laran,” nia dehan.

Nian husu mos ba estudante sira liu husi oportunidade neebe maka nia hetan konaba edukasaun nian uja ho diak atu nunee buat neebe maka sai mehi iha nivel edukasaun bele hetan susesu ba futuru.

Iha sorin seluk professor Domingos Magno hatutan edukasaun nee importunate tebes bainhira laiha edukasaun maka ema barak mos lahatene lee no hakerek, no edukasaun nee mai husi inan aman neebe maka iha uma nomos husi eskola neebe maka estudante halao proseu apredizagen ba.

Edukasaun nee importante tebes tanba eduka ema, eduka ema neebe maka lahatene hakerek no lee oinsa maka eduka labarik sira para bele lee no hakerek hatene, tanba nee maka edukasaun nee importante tebes, edukasaun atu eduka ema sai ema.

Husu ba governu foun mai kria establidade atu nunee bele tau matan ba iha edukasaun, ema hotu hatene katak edukasaun forte nasaun mos sai dezenvolvidu karik edukasaun maka nakloke deit entau governu mos bele nakdoko tanba laiha ema neebe maka matenek liu husi edukasaun.

Emerenciana Pinto | Suara Timor Lorosae