Francisco Maukura Ho Zeferino Fila Ba Uma Knua Fretilin

DILI - Francisco Mukura ho Vise Koordenador partidu Frente Mudansa Munisipiu Dili Zefrino, neebe deklara aberta fila hikas ba uma knua Fretilin.

Francisco Maucura hanesan membru Frenti Mudansa hateten, Ohin tempu oportunu hodi deside fila fali ba uma knua Fretilin, nee duni atu hateten katak laos afilia, maibe fila fali ba uma fukun, tanba uluk iha 2006 atraves konvensaun nasaionl Fretilin Mudansa nian deside katak hases aan ou haketak aan.

Haketak aan to loron ida sei fila fali ba uma rasik, nee duni lori tinan sanuluh resin tolu ohin tempu duni ona deside ami hakarak fila fali ba uma fukun ou uma rasik Fretilin,” dehan Francisco Maucura, liu husi konferensia imprensa neebe maka halao iha Pantai Kelapa, Dili, Kuarta (24/01/2018).

Nia dehan, Ninia famila Fretilin nanis hahu husi nia aman no Tiun sira, I nia tiun balu mos sai fundador ba ASDT-Fretilin hanesan Rui Fernandes, nunee mos nia aman ema Fretilin neebe hola parte iha Fretilin, nee duni istoria familia nian, iha aspirasaun no mos idea grande neebe Fretilin nian kaer desde uluk libertasaun patria no libertasaun du povu, nee duni hanoin fila fali katak espritu ida nee nasionalismu, patriotismu I revolusinariu nunee bele hametin konsolida independensia.

Iha fatin hanesan eis Vise Koordenador Partido Frente Mundanca Munisipiu Dili Zeferino Fernandes hateten uluk haketak aan ho estrutura Fretilin iha 2006, iha momenta neeba sira halo konvensaun politika katak, bele ses hodi ba neebe deit, maibe to loron ida sei fila fali ba uma rasik.

Too notias nee tun, jornalista STL seidauk halo konfirmasaun, ba iha parte partidu Frente Mudansa. 

Carme Ximenes/Maria Lay | Suara Timor Lorosae