DILI, (TATOLI) – Primeiru-Ministru,
Marí Alkatiri, hateten sistema atu ezekuta osan husi duodésimu rigorozu tebes,
tanba ne’e governu tenke buka solusaun atu selu manutensaun estrada.
“As vezes (dalaruma) ita harii
sistema ida ne’ebé trava fali ita, enkuantu sistema ne’e ema moris mak harii,
ita ema mak tenke buka solusaun, la’ós atu kontra sistema maibé buka dalan”,
tenik ba jornalista sira iha Palásiu Governu, ohin hafoin enkontru ho
ministériu relevante sira kona-ba pagamentu ba manutensaun estrada.
Alkatiri dehan bainhira dalan ida
laiha ona la’o husi sorin atu rezolve maibé kontinua respeita sistema, nune’e
fó ona orientasaun ba tékniku sira atu buka dalan ezekuta osan hodi halo
pagamentu.
Tuir Xefe Governu kuandu harii
infraestrutura ida sempre presiza manutensaun, nune’e tenke iha osan ba
manutensaun, la’ós haree aat ona mak ba hadi’a.
“Infraestrutura ida tenke iha
despeza ba manutensaun, se infraestrutura ita harii furak ona maibé ita la tau
orsamentu para manutensaun, klaru tenke aat”, katak.
Parte seluk Vise Ministru
Dezenvolvimentu ba Obras Públikas, Mariano Renato Monteiro da Cruz, hatutan
obras públikas tenke servisu hamutuk ho Ajénsia Dezenvolvimentu Nasionál (ADN)
hodi relata prosesu pagamentu ba obra hirak ne’e.
Governante ne’e akresenta ohin
ko’alia hela oinsá uza osan duadésimu atu halo manutensaun maibé duadésimu
limitadu tebes entaun tenke buka alternativu seluk hanesan buka fundu ruma
liuhosi apóiu internasionál lubuk ida hanesan Banku Mundál no seluk tan.
Maibé katak tan lei duodésimu la
fó dalan bainhira halo ajustamentu tanba lei ne’e ezekuta kada fulan de’it.
Jornalista: Julia Chatarina | Editora:
Rita Almeida
Sem comentários:
Enviar um comentário