Xefe diplomasia hosi Uniaun
Europeia (UE), Federica Mogherini, destaka ona iha loron-tersa, iha Bruxelas,
governasaun ho dezenvolvimentu rural hanesan área sira ne'ebé apoia iha
Timor-Leste, hafoin reuniaun ida ho ministru Estadu timoroan, José Ramos-Horta.
Iha komunikadu, Mogherini
salienta katak UE "apoia nafatin demokrasia, dame ho estabilidade iha
nasaun no fó asisténsia iha área importante rua: governasaun di'ak ho
dezenvolvimentu rural".
Federica Mogherini hasoru malu ho
José Ramos-Horta iha marjen hosi diálogu polítiku entre UE ho Timor-Leste.
Durante diálogu, rona ona
Timor-Leste nia kompromisu hodi ratifika, iha tempu badak, instrumentu
internasional sira ba direitu ema sira nian.
Xefe diplomasia europeia destaka
ona, iha komunikadu, nesesidade hodi kontinua esforsu sira hodi hetan objetivu
sira dezenvolvimentu nian, hanesan diversifikasaun hosi ekonomia timoroan nian.
SAPO TL ho Lusa
Sem comentários:
Enviar um comentário