Timor-Leste presiza diversifika ekonomia no hadiak produtividade

Timor-Leste presiza diversifika ekonomia no aselera kresimentu produtividade nian, ho mudansa estrutural sira iha setor xave sira, se hakarak alkansa objetivu kresimentu mediu 7% PIB nian too tinan 2023, konsidera Banco Mundial.

"Modelu kresimentu nian importante ba pobreza bo dezigualdade. Iha kontestu ne'e, alterasaun estrutural sira fundamental hodi asegura lukru ekonomiku sira ne'ebé sustentadu no rezulta iha benefisiu sira", refere relatoriu ekonomiku semestral konabá Timor-Leste, ne'ebé divilga iha loron-segunda ne'e iha Dili.

Iha sira nian análize, Banco Mundial rekorda katak trajetoria sira dezenvolvimentu nasaun sira sudeste aziatiku nian hatudu katak progresu ekonmiku no sosial sustentadu depende ba "mudansa estrutural sira ne'ebé signifikativa".

Melloria storial sira ne'ebé iha kestaun hanesan formasaun teknika, kapital komplementar, modernizasaun teknolojika no melloria pratika jestaun nian mós ajuda, konsidera Banco Mundial, maibé la sufisiente hodi garante kresimentu diversifikadu ida no inkluzivu.

Analiza setor ekonomiku sira, estudu ne'e nota katak konstrusaun no serbisu publiku sira sai hanesan ne'ebé maka aumenta liu iha dékada ikus ne'e, ho Valor Akresentadu Brutu (VAB) ne'ebé maka duplika entre tinan 2005 no 2015, ba dolares billiaun tolu resin.

Maski ida ne'e, setor agrikola kontinua hanesan empregador ne'ebé boot, no mós maioria hosi traballador sira ne'ebé ativu iha agrikultura subsiténsia, no evidensia aumentu ida iha forsa laboral setor publiku nian, esplika ekonomista Pedro Martins, hosi Banco Mundial.

Maski "estrutura sira empregu nian atraza hela relativamente ho estrutura sira produsaun nian" iha impaktu ida ne'ebé "kritiku" iha distribuisaun lukru ekonomiku sira.

"Kompozisaun ida ba empregu ne'ebé maka muda neneik ne'e frekuentemente asosia ba dezigualdade rendimentu nian, bainhira lukru ekonomiku sira ne'e akumula ba minoria ne'ebé maka iha asesu ba empregu sira ne'ebé di'ak", refere Banco Mundial.

Maski mudansa sir iha aspetu ne'e "la neneik iha Timor-Leste", instituisaun ne'e konsidera importante "kria oportunidade empregu ne'ebé di'ak (iha setor privadu) iha prinsipaln setor estratejiku sira".

Estudu ne'e nota katak sei kontinua iha "disparidade ne'ebé boot iha produtividade laboral" entre setor oioin, ho aumentu mediu produtividade nian ida ho 60% iha dékada ikus ne'e ba dolares 4.500 por traballador.

Iha parte konstrusaun, produtividade ne'e ass tebes - dolares rihun 35 por traballador -, boot liu setor sira tuirmai ne'e, komersiu, ne'ebé maka produtividade kiik dolres rihun 10 resin ka agrikultura, ne'ebé maka produtividade ronda iha dolares 1.500.

Besik 70% traballador sira kontinua iha forma ne'ebé "vulneravel liu iha empregu", maka agrikultura no komersiu subsisténsia, refere estudu ne'e.

SAPO TL ho Lusa