Arao Noe: Konstituisaun RDTL Hatete Tenki Iha Imunidade

DILI-Membru Parlamentu Nasional husi komisaun A nebe trata asuntu Konstitusionais, Justisa, Administrasaun Publika, Poder Lokal e Anti Korupsaun deputadu Arao Noe de Jesus Amaral hatete, iha konstituisaun RDTL hatete, tenki iha levantamentu imunidade, bainhira membru governu ka orgaun soberanu ida atu ba hatan nia kazu iha Tribunal.

Kestaun nee deputadu Arao foti, relasiona ho deklarasaun Presidente Tribunal Rekursu Gulhermino da Silva nebe hatete, krime nebe deskonfia Presidente Parlamentu Nasional Vicente Guterres komete konaba partisipasaun ekonomia negosiu nee ho pena prizaun liu tinan 2, tamba nee la presiza hasai imunidade.

Nee sira nia intrepretasaun katak liu ona aplikasaun tinan 2,mais hau hakarak hatete,iha konstituisaun RDTL hatete iha neeba nee katak, tenki iha levantamentu imunidade,tamba nee mak ami hein  prosesu sira nee tanki lao tuir saida mak konstituisaun hatete, kecuali ema hatete dehan fraganta delitu neebe ke nia halo sala kaptura kedas iha fatin nee oin seluk,mais komu iha prosesu normal hela tuir dalan mak tenki liu husi prosesu pedidu mai iha nee para Parlamentu Nasional foti imunidade depois mak autoriza ba iha Tribunal,”dehan deputadu Arao ba STL, iha PN, Dili, Sesta (17/04/2015).

Iha fatin hanesan Presidente bankada PD, deputada Maria Loudes Bessa hatete, intrepreta lolos lei, tuir los lapresiza, maibe pratika korente neebe tinan hira nia laran halo maka kazu hotu-hotu nebe maka involve titular ruma sempre Parlamentu hasai imunidade mak ba nebe pratika halo hanesan nee. Informasaun kompletu iha STL Jornal no STL Web, edisaun Sabado (18/4/2015). Carme Ximenes

Suara Timor Lorosae