KESTAUN MAUK MORUK PRESIZA DIALOGU

DILI-Presidente Komisaun B, neebe trata asuntu Defesa no Seguransa, deputadu David Dias Ximenes hatete, ema hotu-hotu agora buka osan atu moris, se mak hakarak ba mate fali iha ailaran neba, nebe kestaun Mauk Moruk ninian nee presiza buka halo dialogu, atu nunee bele hetan solusaun.

Deputadu David afirma, bahasa Indonesia hatete dengan senjata kita bisa memenangkan,tetapi degan dialog bisa menyakinkan, ida nee maka dehan katak diak liu ba buka malu koalia, koalia nee mos labele halo fali hanesan uluk iha CCD nee.

Hau uluk kedas dehan, akontesimentu sira depois Indonesia mai invade tia ita, ita ho ita fila fali ba malu nee se mak hakarak halo funu, ita hotu hotu agora buka osan atu moris, se mak hakarak ba mate fali iha ailaran neba ema lakoi, nebe fofoun kedas hau hatete, kestaun Mauk Moruk nee ita buka halo dialogu nunee bele rejolve problema,” dehan deputadu David ba STL, iha PN, Dili, Sesta (17/04/2015).

Iha fatin hanesan membru PN husi bankada CNRT deputadu Arao Noe de Jesus Amaral hatete, susar deklara tamba situasaun, geografia Timor nee susar, laos labele katak susar para atu detekta, susar atu halo operasaun para hodi bele kaptura. Informasaun kompletu iha STL Jornal no STL Web, edisaun Sabado (18/4/2015). Carme Ximenes

Suara Timor Lorosae