Masa L7 Komesa Tun Dili, L7: “Hau Responsabiliza Kuandu Mosu Krime”

DILI - Cornelio Gama alias L7 kontinua mantein nafatin nia posisaun hodi organija demostrasaun hasoru governu, no wainhira mosu konflitu ruma iha demostrasaun nia laran nia rasik mak sei responsabliza.

Tuir Eis gerileiru, Cornelio Gama “L7” ba jornalista sira iha salaun enkontru Centro Convensaun Dili (CCD), wainhira partisipa iha konferensia “Dewan Solidaridade Mahasiswa Timor-Timur” Sesta (19/06) hatete katak nia demostrasaun kontinua lao no sei garante laiha krime ida mak sei mosu.

Hau mantein hau nia posisaun katak demostrasaun kontinua lao no ami sei halo iha loron Sigunda (22/06) hau mak organija maibe atu hatete ba publiku katak hau garante sei lao tuir regras laiha tolok, tuda, estraga sasan ruma no hau mak responsabiliza kuandu mosu buat ruma iah demostrasaun laran,” hatete L7.

Nia hatutan maske Polisia la autoriza atu halo demostrasaun maibe hakarak ka lakohi demostrasaun sei lao iha Segunda, tanba tuir nia hanesan sidadaun ida iha direitu atu hato nia hanoin liu hosi asaun nee, iha buat baluk mak governu halo la los, tanba nee nia mos husu ba Polisia atu fo siguransa masimu iha demostrasaun nee.

Iha fatin hanesan Diretor Ezekutivu FONTIL, Arsenio Pereira, husu ba L7 atu kalma no buka dalan seluk hodi hatoo ninia hanoin hanesan liu hosi dialogu, labele liu hosi demostrasaun tanba ema balu sei aproveita situasaun hodi estraga L7. Informasaun kompletu iha STL Jornal no STL Web, edisaun Sabado (20/6/2015). Thomas Sanches/Luciana Ximenes

Suara Timor Lorosae