COMORO PREPARA SIMU KRUZ JOVEN HO ILHAS NAI FETO PEREGRINA

Sarani sira iha Paroquia Maria Auxiliadora, Komoro, Dili, hahuu halao preparasaun fiziku no espiritual hodi simu Kruz Joven ho Ilhas Nai Feto Peregrina.

Iha loron Domingu (26/7/2015), Kruz Joven ho Ilhas Nai Feto Peregrina sira hakat ba vizita no horik ho Sarani sira Paroquia Maria Auxiliadora, Comoro, tanba ne’e Sarani sira komesa halo preparasaun hodi hamos igreja, orna altar no halo atividades preprasaun liturgia nian.

Ba JNDiário iha Comoro, Tersa (21/7/2015), Pe. Elias Maia de Deus, SDB, haklaken katak, iha tuku 16:00 Otl, Sarani hotu sei konsentra iha Ponte CPLP hodi simu prezensa Kruz Joven ho Ilhas Nai Feto Peregrina.

Iha serimonia simu Kruz Joven ho Ilhas Nai Feto Peregrina ne’e, se hahuu ho revizxta ba kondisaun fiziku Kruz Joven ho Ilhas Nai Feto, lia dadoli sei hato’o husi lia nain nebe kompostu husi bairu Beduku, Tasi Lidun, e Tasitolu ne’ebe hato’o ho lian Mambae kona ba Historia badak Misionario ate realiza festa fiar iha Timor.

“Hau nia mensagem ba sarani hotu atu aproveita diak oportunidade grasa nian atu nune bele lori nafatin fiar ba oin,” hateten Amo Elias.

Nia saran lia katak, prezensa Kruz Joven ho Ilhas Nai Feto nian ne’e la’os festa boot, maibe sinal fiar no reprezenta Jesus Kristo ho Inan Doben Virgem Maria, hodi selebra Maromak nia evangleho no futar lia.

Iha parte seluk, Camilo Jackson da Costa, nudar Sarani Paroquia Maria Auxiliadora sente kontenti no prepraradu ona atu simi vizita sagradu   Kruz Joven ho Ilhas Nai Feto Peregrina. ita

Jornal Nacional