Reprezentante
Estudante Eskola Ensino Baziku Suku Maina I, Veronica Menezes, husu Prezidneti
Republika (PR), Taur Matan Ruak, atu bele ajuda meja ho kadeira ba sira nia
eskola.
Durante
ne’e, tuir Veronica katak, nia nia eskola ladun seguru halo parendizajen, tanba
falta fasilidades, liu-liu kadeira ho meja. Tanba ne’e, lori estudante hotu nia
naran husu ba PR Taur atu hatutan ba Ministeriu Edukasaun hodi bele lori netik
kadeira ho meja ba sira nia eskola.
Liu
husi dialogu komunitaria PR Taur iha Suku Maina I, Estaudante Veronica, ho funa
dag,dig dug, hakat ba PR Taur nia oain hodi hato’o nia preokupasaun, atu nai
ulun sir abele tau netik matan ba fasilidades ne’ebe mikit tebes iha eskola
Maina I.
Jornalista
JNDiario, Napolão Xavier, informa husi Lospalos katak, iha dialogi komunitaria
ne’ebe halao iha Suku Maina I, Kuarta (22/7/2015), hetan partisipasaun masimu
husi komunidade sira.
Komunidade
sira aprezenta sira nia kondisau moris ba PR Taur no aprezenta mos sira nia
difikuldades. Infelismente, hatan ba preokupasaun estaudante Veronia nian ne’e,
PR Taur hateten, problema kadeira meja la iha ne’e laos deit iha Eskola Maina
I, maibe estudante iha eskola publiku hotu iha Timor laran tomak maka preokupa
ho fasilidades ne’ebe mukit tebes ne’e.
“Hahuu
iha 2014, ita tenta fahe kadera, maibe hau fiar katak, iha eskola barak mak
seidauk simu. Hein katak, neneik ba neneik ita rezolve problema kadera sira
ne’e,” hateten PR Taur.
PR
Taur afirma katak, iha tinan 2014 ba kotuk estudante sira 1.100 mak tur iha
rai, depois Governu hanoin sosa kadera 1.100 resin hodi distribui
ba eskola sira ne’e .
Iha
parte seluk Carlos Yudias mos levanta kona-ba veteranus no Martires nia
problema hanesan mos ho preokupasan ne’ebe mak hato’o husi veteranus sira iha
teritoriu laran tomak.
“Desde
restaura ita nia indepensia iha 20 Maiu 2002 to ohin loron ita resjistu ona
dala rua, primeiru rejistu iha 2003 to’o 2005, iha primeiru rejistu
iha 2003, ema 75.000 mak tau naran, segundu faze, ita rejistu iha 2009, ne’e
iha ema 125.000 maka rejistu, ita presoza tenpu atu rezolve, sa tan, balun
dehan dadus Veteranus la los sei hadia, ne’ebe problema barak los, maibe Estadu
la haluha,” hateten PR Taur Matan Ruak.
Oportunidade
ne’e Cesaltina Rodrigues, nudar inan feton ida levanter kestoens kona-ba kapasitasaun
rekurus humanus ba joventude sira ne’ebe sei mukit tebes atu bele kompete iha
merkadu trabalhu. Tanba ne’e, Pr Taur promtese sei hato’o ba Secretario Estadu
Politika Formasaun Profesional no Empregu (SEPFOPE) ateu bele tau atensaun ba
joventude sira nia konhesimentu no skill aztu bele perapara sira.
Pairara
Haksolok
Husi
Suku Maina I, Prezidenti Republika Taur Matan Ruak, hakat liu ba Suku Pairara
hodi hasoru malu ho komunidade sira no rona komunidade sira nia halerik.
PR
Taur vizita ba Suku Pairara iha Kinta (23/7/2015), hodi halo dialogu mos ho
komunidade sira no rona komunidade sira nia difikuldade, terus no halerik.
Komunidade
Pairara ho ksolok boot simu PR Taur Matan Ruak, tanba desde tempu ukun an ne’e,
foin ba dala uluk, PR vizita sira nia suku.
“Ami
povu Pairara senti kontenten teb-tebes tanba bele simu ami nia aman bo’ot Sua
Exelencia PR Taur Matan Ruak, ne’ebe mak vizita ami nia suku. Ne’e hanesan
istoria foun ida depois ita hetan ukun a’an,” hateten a Xefi Suku Pairara
Acaçio da Crus wainhira le’e sai relatoiu badak kona-ba bigrafia
Suku Pairara nian.
Suku
Pairara ho nia luan 150 kilometru kuadradu ho populasaun 2.317 ho total Xefi da
familia 4,88. “Ami nia rai ne’ebe mak luan teb-tebes iha pursentu
oituan mak populasaun uza, tanba iha rai barak mak abondonadu,”dehan Acaçio da
Crus.
Rasa
baliza iha parte leste ho Suku Com no parte Oeste, Suku Padurun, parte norte ho
Suku Parlamentu no parte sul baliza ho Suku Rasa.
Iha
parte dezenvolimentu infra-estrutura bazika nian, Xefi Suku Pairara fo sasin
katak, sira nia komunidade maioria asesu ona eletrisidade, maibe balun seidauk
tanba problema kompanhia sira hadau malu projetu.
“Hau
haruka ona proposta ba secretaria Estadu Eletridade maibe ate agora seidauk
hetan resposta, ida ne’e mak hanesan progresu depois de ita ukun a’an,” hateten
Acaçio da Crus.
PR
Taur Matan Ruak, agradese ba komunidade sira tanba bele halibur hodi simu
komitiva PR nian hodi tu’ur hamutuk hodi no fahe hanoin balu
kona-ba difikuldade sa ida mak komunidade sira infrenta.
“Ita
kontinua serbisu nafatin para infrenta hodi rezolve hodi loke dalan
ba ita nasaun maka’as liu tan, ita nia moris bele diak liu tan,
mesmu neneik mas tenki bebeik,” afirma PR Taur. **
Jornal
Nacional
Sem comentários:
Enviar um comentário