TIMOR OAN TENKI APRENDE LIAN INGLES HO MANDARIN

Vise Ministru Edukasaun (ME) Abel Ximenes husu ba Timor oan sira hotu tenki aprende lian ingles ho Mandarin, tanba lian ingles hanesan lingua internasional no lingua Mandarin hanesan lian ekonomia.

‘’Ita kulia tetum ho portugues diak ona, ne’e tanba ita nia liangua ofisial, maibe ita seidauk bokur no forte, bainhira seidauk hatene lian ingles ho mandarin, Ingles ne’e lingua internasional, lingua komersiu, lingua diplomasia no lingua siensia, ita tenki uza hodi konvive internasional I lingua mandarin ne’e tinan 2 ka 3 mai nia sei domina ekonomia iha mundo, ema ekonomitas sira mos halo ona previsaun ba ne’e,’’ dehan Abel ba jornalista sira iha UNDIL, Kinta (16/07/2015)

Abel hatete, iha tinan 2012 komersiante China sei mamuk iha Timor, maibe agora komersiante China komesa domina ona iha rai laran tama to suku no aldeia, tuir Abel ne’e hatudu katak, komersiante China iha Timor boot tebes.

Abel mos esplika katak, populasaun China ne’ebe kualia lian manadarin iha mundo ne’e kuaze um biliaun resin iha iha nasaun hotu sempre iha ema China ne’ebe mak loke negosio, depois prinsipiu iha mundo mak nasaun forte nunka aprende nasaun kik nia lian. Tan ne’e Timor Leste nssaun kik tenki aprende ema nasaun bot nia lian

"Ita nia nasaun Timor Leste ne’e indenpendente ona, nudar nasaun indenpendente ita tenki iha kbit, matenek no tama iha konvive internasuonal ka peragularan dunia, kapasidade ne’e ita tenki iha, sae tan agora ita atu tama ba ASEAN maibe ita nia ingles sei sabraut ne’e dezafiu ne’ebe ita iha,’’ haklaken Abel. nia

Jornal Nacional