Mauk Moruk ninia mate-isin sei hakoi hafoin hatene tiha rezultadu autópsia

Serimónia hakoi mate-isin hosi líder grupu Konsellu Revolusaun Maubere (KRM), Mauk Moruk sei hala’o, hafoin hatene tiha rezultadu autópsia hosi médiku sira iha Hospitál Nasionál Guido Valadares, dehan Prezidente Konsellu Ministru, Agio Pereira no sita hosi jornál Suara Timor Lorosa’e. 

“Ami indetifika ona mate-isin haat, inklui Mauk Moruk nian. Tuir prosedimentu legál tenke hala’o autópsia no Governu sei hein rezultadu autópsia, hodi hala’o serimónia hakoi mate-isin”, dehan Agio Pereira ba jornalista horisehik, hafoin reuniaun hosi Konsellu Ministru.

Nia hatutan tan katak, operasaun konjunta Hanita tuir lolos tenke halo tuir regra ne’ebé Konsellu Ministru aprova, maibé ikus mai, hatudu rezultadu ne’ebé laespera.

SAPO TL ho STL