STOCK RAN MENUS

Banco de Sangue iha Hospital Nasonal Guido Valadares (HNGV) kontinua hasoru problema ba stock ran atu fasilita pasiente sira ne’ebe persija transfusaun ran.

Xefi Unidade Banco de Sangue, Arsenio Jose informa, durante ne’e sira depende deit ba familia pasiente no volontariu regular.

“HNGV durante ne’e sempre hasoru problema menus ran tanba ita dependenti liu ba iha volontariu husi familia pasiente no volontariu regular, ne’ebe sai difikuldade baa mi atu atende pasiente ne’ebe persija tebe. Stock ran iha ne’e marka ran A dala ruma iha 10, B dala ruma iha 10 resin, AB iha 3 no O iha 10 deit, ida ne’e ita bele dehan la sufisiente,”informa Arsenio ba Jornalista sira iha Sekretariu Estadu Disportu Juventude foin lalais ne’e.

Nia kontinua katak, ho numeru stock ne’ebe mak iha bele hatete la sifisiente, tanba ema ne’ebe presija ran laos deit ba ema pasisnte sira ne’ebe baixa iha HNGV, maibe mos ba hospital referal sira, inklui klinika privadu sira. Nune’e husu ba entidades hotu ne’ebe ho idade 40 atu mai oferese ran ba HNGV hodi tulun pasiente ne’ebe persija tebes.

Durante ne’e, BS hala’o esforsu makas hodi halibur ran liu husi doasaun ba kada institusaun Estadu. Institusaun ne’ebe sai volontariu regular ba HNGV mak, F-FDTL, PNTL, SEJD , Universidade Kristal no asosiasaun, inklui sira seluk, ho objektivu atu hetan stock ran ne’ebe prepara hodi bele ajuda pasiente sira iha HNGV no iha klinika privadu sira.

Programa duasaun HNGV sempre lao nafatin nune’e ba entidades sira ne’ebe hakarak volontariomente fos ira nia ran bele ba iha BS-HNGV tanba BS sempre loke iha oras servis hahu husi Segunda too sesta.

Ba entidades ne’ebe sidauk hatene konaba prosesu oinsa fo ran, molok hasai ran ekipa BS sei fo esplikasaun ne’ebe klaru nue’e labele tauk atu hakat ba iha BS hodi oferese ran, tanba ran turu ida bele salva ema nia vida liu-liu inan sira ne’ebe atu partus.Ola

Jornal Nacional