28 SETEMBRU, SELU KOMBATENTES 31.128

Iha loron 28 Setembru ne’e, Ministeriu Solidariedade no Sosial (MSS), hahú halo pagamentus ba Combatentes e Martires da Libertação Nacional (CLN) hamutuk ema nain 31.128.

Husi total 31.128 ne’e, benefisiariu foun 12.365 mak simu primeiru faze liu-liu husi edital maka foin asina iha Dezembru husi tinan 2014 no pagamentu iha Setembru ba benifisiariu tuan no foun sira ne’ebe mak previstu atu simu iha loron 15 Setembro muda ba 28 Setembru.

“Pagamentu ida ne’e boot ho benifisiariu barak no osan hamutuk U$ 51.410.386,20, tan ne’e atu garante katak pagamentu lao diak no la mosu konfuzaun iha momentu foti osan no mos signifika CLN iha momentu ba simu sira nia direitu, maka benifisiariu sira sei foti osan iha banku tuir loron determinadu,” hateten Vise Ministru MSS, Miguel Manitelo, liu husi konfernesia imperensa iha MSS, Tersa (15/9/2015).

Ba benefisiariu sira ne’ebe konta bankaria la iha no la klaru, Manetelo informa katak, Banco Nacional Ultramarinho (BNU) ho MSS sei organiza para fo resposta. Nune’e, benifisiariu sira tenke simu ho dignu tuir kalendariu ne’ebe determinadu ona iha ida-idak nia munisipiu.

MSS husu ba benifisiariu sira ne’ebe foun maka sei ba simu primeira ves iha banku tenki mai iha edifisiu DNACLN iha Kaikoli, hahuu loron 28 Setembru hodi bele kontrolo benifisiariu atu bele hahu simu ona nia direitu.

Konferensia imprensa ne’ebe akopanham os husi Prerzidenti Komisaun Homanagen, Virgilio Smith ne’e, Miuguel Manitelo aprofunda liu tan katak, pensaun espesial reforma no pensaun espesial subsistensia CLN moris validadu husi 8 to 14,15 to 19 ka 20 to 24 anos dedikasaun exclusivu ka CLN defisiente sira) labele iha akumulasaun ho pensaun sobrevivensia hsui data hahu ninia direitu, tuir estatutu dos CLN lei no. 9/2009 de 29 de Julhu artigu 26 alinea 11.

Miguel Manetelo mos afirma katak, iha prosesu pagamentu bainhira benifisiariu la bele mai simu nia familia rasik mak tenki reprezenta labele ema seluk mai foti ou reprezenta no pagamentu primeiru ba beinifisariu sira ne’e tenki mai simu iha munisipiu Dili, depois pagamentu fulan-fulan mak benifisiariu sira bele foti ona iha munisipiu ida-ida.Nia

Jornal Nacional