Kompensasaun ba projetu Sul hahu tama fase daruak, ekipa Timor Gap kontinua halo verifikasaun

DÍLI - Kompañia nasional Timor Gap EP, hamutuk ho liña ministeriu oras ne’e dadaun kontinua halo verifikasaun ba iha komunidade sira ne’ebé mak nia rikusoin afeita ba iha implementasaun mega projetu ne’ebé oras ne’e lao iha costa sul. Prezidente Kompañia Timor Gap EP, Francisco da Costa Monteiro hateten bazeia ba iha konkordansia entre komunidade nomos Governu Timor-Leste iha tinan hirak liu ba katak rikeza komunidade nian ne’ebé mak afeita ba iha implementasaun projetu sul nian tenke fo kompensasaun.

Tan ne’e iha fase premeiru Timor Gap EP, nudar ezekutador hamutuk ho liña ministeriu sira ne’ebé mai husi Timor Gap, Ministeriu Petroliu, Ministeriu Justisa liu husi Teras no Propedade, Ministeriu agrikultura,Ministeriu Turismu no arte kultura parte kultura ne’e rasik, Ministeriu Comersio Industria no Ambiente hahu halo prosesu sosializasaun, identifikasaun no to’o verifikasaun hodi fo kompensasaun ba iha komunidade sira ne’ebé mak afeita ba iha implementasaun projetu.

“Ida ne’e ami halo tiha ona iha primeiru faze nian uluk ba aeroportu nian nomos ba Suai Supply base nian no agora dadauk ami nia ekipa iha hela tereno halo hela verifikasaun ba iha segundu faze ba iha Suai Supplay base nian mais menus 200 hetares ida atu halo kompesasaun iha antes tinan ida ne’e nian remata,” dehan Prezidente Timor Gap EP, Franscisco da Costa Monterio ba BT iha nia knar fatin Timor Plaza Sesta (11/09) foin lalais ne’e. Tuir nia razaun fo kompesasaun segundu faze tanba atu bele komesa ona projetu refere antes tinan ida neee nia remata.

Nia afrima katak iha faze primeiru ba iha kompensasaun iha komunidade sira orsamentu porvolta millaun $46.8 tanba tenke fo kompensasaun ba Suai Aeroportu, Haig way, nomos Beaco. “Ba kompesasaun  ba suai aeroportu nian, haig way, Beacho nian ba estudu nian besik $46.8 milloens, klaru  orsamentu ne’ebé presiza iha tinan oin bo’ot teb-tebes no agora kolia kona-ba kompesasaun ne’e rasik deit iha tinan kotuk ami konsege fo kompesaun hamutuk orsamentu mais $3.5 Milloens no aeroportu serka $3.4 Milloens,” informa Francisco.

Nia mos dehan tan katak ba iha fase segundu orsamentu ne’ebé mak preve ba iha kompensasaun por volta millaun $5 tanba area ne’ebé mak atu fo kompensasaun besik rai hetares atus rua 200. “Faze segundu ami preve ba iha kompesaun besik $5 milloens ba iha komunidade sira total area ne’ebé mak tama iha faze segundu nian besik  hectares atus rua (200), rai ,ai horis nomos propeidade deit  tanba iha Supply base la kona uma no ita la kompensa uma ida  no uma sira ne’e iha estrada ninin hotu no supply baze mais menus metro atus ida ka rua ba iha laran ne’ebé kona make ma nia to’os rai no aihoris sira nee deit,” hateten nia. Nia mos infroma katak iha tinan oin presiza orsamentu ne’ebé mak boot tanba agora iha aeroportu iha fase de kontruksaun, supplu base mos iha fase ezekusaun, hai way mos fase kontruksaun nia. (BT)

Business Timor