Partidu
históriku Frente Revolusionária Timor-Leste Independente (FRETILIN) kontinua
hala’o kontaktu eleitoral ho militante FRETILIN nian iha Aldeia Raimean, Suku
Lahane Oriental, Posto Administrativu Na’in Feto, Munisípiu Dili.
Kontaktu
eleitoral nebe FRETILIN halao ba militantes simpazantes nee ho objetivu atu
hametin estrutura partidu nian iha baze hodi bele garante vitoria iha eleisaun
2017 mai.
Kontaktu
eleitoral ne’e, partisipa husi lideransa Consello Polítika Nasionál Comite
Central FRETILIN (CCF), hanesan Florentina Smith no David Dias Ximenes
‘Mandati’ hamutuk ho delegadu no militantes sira ho moto ‘Hametin unidade no
konfiansa ba Partidu FRETILIN iha estrutura no militantes iha baze.
Florentina
Smith ne’ebé maka hanesan mós Koordenador Polítika Munisípiu Dili hatete katak,
koordenadora polítika Munisipiu Dili, iha programa eleitoradu kada semana.
postura polítika FRETILIN nian iha III lejislatura diferente tebes, tanba
hakarak defende povu nia interese.
“Iha
ona esperansa no iha ona hanoin di’ak i naroman para FRETILIN atu la’o di’ak ba
oin, karik ita la manan maioria, ita husu deit, para oinsa maun bo’ot Xanana
koopera ho ita, se bele FRETILIN ho CNRT mak kaer ukun tuir mai. Maibé ita
lalika hakfodak, ita tenke hanoin nafatin hanesan ne’e, FRETILIN tenke manan
maioria,”relata Florentina Smith ba journalista sira iha Aldeia Rai Mean,
Dominggu (06/9).
Objetivu
kontaktu eleitoradu ne’e, atu fó imformasaun ba militantes ka simpatizantes no
kuadru estrutura FRETILIN nian kona-ba postura polítika FRETILIN nian.
Nia
afirma, dadus provizori Nai Feto ninian kona-ba militante FRETILIN agora dadauk
kontinua aumenta ba bebeik.
“Ami
iha esperansa bo’ot katak, se buat hotu la’o di’ak, hanesan ita hotu akompaña
katak, foin dadauk eleisaun ne’e, hatudu katak, eleisaun ne’e ladu’un di’ak,
entaun ita buka atu hadi’ak no ita buka para kria kooperasaun di’ak, li-liu ho
Governu no STAE, para eleisaun tuir, se FRETILIN manan, depois mosu fali buat
seluk,”katak Florentina Smith.
FRETILN
la senti lakon iha segundu legistlatura 2012, maske FRETILIN manan iha momentu
ne’eba, maibé la ukun. Maibé esperansa FRETILIN ba tinan 2017 bo’ot tebes,
tanba partidu komesa hametin dadauk ona estrutura iha baze.
Nia
haktuir, durante ne’e FRETILIN vota afavor ba aprovasaun orsamentu jerál estadu
(OJE), la’os katak, FRETILIN apoiu Governu, maibé kontribui ba dezenvolvimentu.
Nia
hatutan, durante ne’e orsamentu estadu nian sai barak, maibé lahatene ba iha
ne’ebé deit, tanba haree ba dezenvolvimentu ne’e, la kondis ho osan ne’ebé
Parlamentu aprova.
“Oras
ne’e dadauk, ami mai hamrik iha ne’e, tanba atividade polítika ba iha baze
li-liu ba eleitores sira. ami atu mai rona kamarada sira ninia hanoin no
halerik, li-liu situasaun atual moris povu nian, osan ne’ebé mak Parlamentu
aprova, kamarada sira senti katak, osan ne’e tu’un duni iha nivel suku no
aldeia ka la’e,”informa Florentina Smith.
Nia
haktuir, kontaktu eleitoral ne’e, atu tu’un duni ba baze hodi fó eslika ba
militantes FRETILIN iha baze kona-ba situasaun iha Parlamentu Nasional. Nia
afirma, kontaktu eleitoral ne’e, sira halo kada semana, hodi rona militantes
sira nia halerik, hodi hadi’a polítika Partidu nian. Kontaktu eleitoral ne’e,
hala’o iha municipiu hotu no suku hotu.
Florentiha
Smith afirma dehan, Governu ida ne’e, involve ema nain 4 husi FRETILIN,
hanesan, Primeiru Ministru Rui Araújo, Estanislau da Silva, Hernani Coelho no Inacio
Morreira, maibé la signifika katak, Governu ida ne’e Governu FRETILIN.
“Se
karik FRETILIN mak tama, tenke tama iha pezu polítiku, mais tanbasa, sira nain
hat ne’e, ita nia maun bo’ot Xanana Gusmão eskolha sira, tanba kapasidade. Ema
CNRT barak mak ko’alia katak, ami mós matenek maibé tanbasa mak maun bo’ot
Xanana la bolu ami, fali ema seluk,”katak Florentina Smith.
Nia
afirma, agora dadauk ne’e militantes FRETILIN barka mak kestiona katak, tanbasa
mak FRETILIN tama iha sestu Governu ida ne’e, maibé sira nain hat ne’ebé tama
iha Governu ne’e, la’os lori partidu nai naran.
Nia
afirma, kuandu FRETILIN manan iha 2017, FRETILIN sei hadi’ak buat hotu, li-liu
dezenvolvimentu nian.
Iha
kontaktu eleitoral ne’ebé maka hala’o iha suku Lahane Oriental ne’e rasik hetan
partisipasaun masimu hosi militantes no simpatizantes sira.
Purtantu,
Koordenador Komisaun Polítika Posto Administrativu Na’in Feto, Paul Soares
hatete, atu hametin liutan estrutura no polítika partidu nian, hanesan
responsavel sira kontinua nafatin hala’o konsolidasaun no hato’o polítika
partidu nian ba militantes sira iha baze, hodi nune’e, bele hametin liutan
forsa partidu nian, hasoru eleisaun jerál 2017.
Kontaktu
eleitoral ne’e, deputadus sira husi bankada FRETILIN, hakbesik an ba povu iha
baze hodi esplika sira nia planu ba simpatizantes FRETILIN, atu militantes sira
labele influensia ho partidu bar-barak ne’ebé mak agora mosu.
Nia
afirma, militantes FRETILIN nia agora dadauk rejistradu iha Nai Feto, hamutuk
8000 resin ona, maibé sira sei esforsu an nafatin hodi aumenta tan militantes
FRETILIN nian hodi hasoru eleisaun 2017.
“Kontaktu
eleitoral hanesan parte ida atu prepara militantes, juventude no OPMT sira, atu
hasoru konferensia juventude nian ne’ebé maka sei hala’o iha tempu besik nia
laran,”dehan Paul Soares.
Paul
Soares haktuir, enkontru kontaktu eleitoral ne’e, militantes sira atu rona
mesazen no planu partidu nian husi membru CCF no CPN Partidu FRETILIN nian ba
militantes sira iha baze, ne’ebé mak durante ne’e menus liu atu asesu
informasaun husi partidu nomos Governu nian.
Alende
ne’e, deputadu David Dias Ximenes ‘Mandati’ mós hatete katak, oras ne’e dadauk
iha ema balun maka buka atu fó influensia ba militantes FRETILIN nian ho osan,
projetu no seluk tan.
Maibé,
Mandati husu ba militantes sira husi FRETILIN nian atu kuda metin ona iha fuan
laran, maske iha influensia barak maibé sei lasobu partidu FRETILIN.
“Labele
tuir ema tanba osan, tenke fiar án, tanba ho fiar án bele hetan Vitoria. Tenke
iha konsiensia no komitmentu. Tanba ho komitmentu no konfiansa, iha eleisaun
oin FRETILIN fiar án hodi manan iha eleisaun hodi halo dezenvolvimentu ba povo
nasaun diak liutan,”dehan David Dias.
“Ohin
loron dezenvolvimentu ne’e la’o deit iha kapital. Povo barak kontinua moris iha
kiak no mukit nia laran. Dezenvolvimentu Timor nian hafoin ukun án iha ba deit
iha ema balun,”dehan Mandati.
Nia
haktuir, uluk iha ai laran, han aifarina pedasuk ida mós fahe hodi han hotu,
ohin loron ukun án han etu bikan ida fila kotuk ba malu.
Iha
okaziaun ne’e, Mandati mós esplika ba militantes sira hotu kona-ba,
involvementu FRETILIN iha sestu Governu ida ne’e katak, governasaun ida ne’e,
la’os Governu FRETILIN.
“FRETILIN
latama Governu, ita tenke la’o hamutuk, tanbasa? La’o hamutuk hodi dehan ba
malu, fó hanoin ba malu para hatene, la’os estraga malu,”katak Mandati.
Ohin
loron Timor-Leste iha difikuldades barak, tanba ne’e mak FRETILIN koalia hodi
manan, FRETILIN tenke la’o nafatin atu konvense maluk sira hodi hadia moris.
Nia
afirma, Hamutuk hodi hadia, tanba demokrasia FRETILIN nian maka respeita
ida-idak nia hanoin, tenke kontrola malu ho konsensializasaun.
Mandate
dehan, maske Timor ukun án ona durante tinan 13, maibé sei iha problema barak
maka povo infrenta hanesan, seidauk asesu ba eletricidade, estrada, rendimentu
menus tanba fasilidade infra-estrutura seidauk iha atensaun husi Governu.
“Ita
tenke hamri’ik hodi liberta povu sira ne’ebé mak, sei kontinua moris iha susar
no terus nia laran,”tenik Mandate.cos
Jornal
Nacional
Sem comentários:
Enviar um comentário