Orsamentu 2016 Sae ba 1.5 Biloens, Akara: “Estraga Osan Deit”

DILI – Maske antes nee governu Timor Leste deside ona orsamentu jeral estadu tinan 2016, 1.3 biloens maibe ikus mai governu hasae tan ba 1.5 Biloens rajaun osan Adisional amenta barak.

Tuir Diretor Ezekutivu Luta Hamutuk, Mericio Akara, ba STL iha ninia servisu fatin Farol, Kinta (15/10) hatete katak tuir lolos nee governu la persija hasae osan 2016 ba 1.5 biloens tanba laidun iha tempo atu halo ejekusaun neebe diak.

Nee estraga osan deit lolos nee la persija hasae tan osan tanba tempu atu ejekusaun osan nee badak ona tanba tinan oin ema hahu focus ba kampanha politika. Sigundu tanba agora ita nia rendimentu tun tanba ita ia mina matan rua neebe mak durante nee produs mina hahu tun hanesan kitan la produs ona, bayu undan nia produsan mos menus out un makas tanba nee ita tenke koidadu uza osan,” hatete Akara.

Nia hatutan ho rajaun neebe mak barak tuir LH nia hanoin lolos nee OJE ba tinan 2016 nee labele too ona 1 Biloens, laos nee diet nia mos hatete durante nee Primeiru Ministru hakarak halo pupansa maibe la dun implementa iha pratika maibe lao tuir deit prosesu hirak nee tanba nee hatudu ba povu katak PM ladun konsisten.

Iha fatin ketak tuir Akademiku, Fransisco da Cunha, hatete governu kontinua foti osan barak ho rajaun oan Adisional barak, maibe governu mos persija hare didiak no tenke halo poupansa tanba rendimentu TL nian oras nee dadaun menus ou tun. Informasaun kompletu iha STL Jornal no STL Web, edisaun Sesta (16/10/2015). Thomas Sanches