Negosia fronteira marítima hafoin tinan 50, Estadu presiza kria estratejia foun hasoru Australia

Forum Organização Não Governamentais Timor Leste (FONGTIL) husu ba Estadu Timor Leste atu kria estratejia politika foun hodi halo negosiasaun hasoru Governu Australia, tanba Australia mantein negosiasaun fronteira marítima ho Timor-Leste hafoin tinan 50.

“Ita tenki iha estratejia, agora Australia nia hakarak saida? tanba klaru katak nia iha kepentigan (interese),”esplika Diretor Executive FONGTIL, Arcenio Pereira ba Jornalista   iha Caicoli, Dili, Sesta (11/12).

Nia hatutan, uluk kuandu Australia hakarak foti Greater Sunrise atu esplora,   Australia dehan katak, pipeline ne’e tenki dada ba Australia,   maibe Estadu Timor hakarak pipeline mai Timor. Iha parte balun Australia rekonhese dehan ne’e                 Timor nian, entaun Australia dehan, halo Floating, prosesamentu iha tasi laran deit.

“Maibe Timor Leste hakarak mai Timor Leste tanba ne’e maka ita halo infraestrutura iha Supply base Suai, entaun iha Costa sul ne’eba, entaun Australia haree ida ne’e katak, ami bele dada fali buat ida akordu ne’ebe maka ita halo ba tinan 50 ne’e, entaun ita nia lider, ita nia Governu no Estadu tenki haree estratejia politika saida maka sira bele hola fali, depois halo esplorasaun,”dehan Arcenio Pereira.

Nia hatutan,   agora dadauk mina matan Kitan no Bayu Undan ninia produsaun menus. Tanba ne’e, Greater Sunrise   maka atu halo esplorasaun tenki halo negosisaun. Tanba ne’e nia husu ba Ministeriu Petroleum Rekursu Minerais tenki iha target ida ne’ebe maka klaru.

“Ita mos labele lohi bebeik povu ne’e dehan katak, atu dada (pipeline) mai Timor Leste, maibe to agora la iha politika ida klaru. Entaun ida ne’e maka ita nia Governu   iha firmeza ida katak, tenki hanesan ne’e koalia ho Australia, para depois politika saida para iha solusaun ne’ebe ema dehan win-win solution, doque ita hein to’o tinan 50 , diak liu ita halo oinsa para halo esplorasaun para depois fo moris diak ba povu,” haklaken Arcenio Pereira.Avi

Jornal Nacional