Proposta fundu autonomu aprovadu – Kombustivel ba Betano- Hera $100 miloens

Liu husi diskusaun proposta Orsamentu Jeral Estadu (OJE) 2016 iha faze espesialidade nian, Sesta (11/12/2015), Komisaun Eventual (Governu ho Parlamentu Nasional) aprova tan proposta foun sobre transforma fundu infra-estrutura no fundu autonomu.

Vise Prezidenti Parlamentu Nasional (PN), Aderito da Costa Hugo hateten, iha proposta OJE 2016n aprova proposta foun ida ne’ebe kria artigu foun ida sobre transforma fundu infra-estrutura no fundu autonomu ho ninia rekejitus no karakter lubuk ida nebe sai obrigasaun ba implementa iha politika lei OJE 2016 nian.

Aderito Hugo fo sasin katak, diskusun ne’e klean teb-tebes mosu konkordansia entre Governu ho PN sobre inisiativa foun ida hodi kria artigu foun ida ba definisaun foun sobre fundu infra-estrutura nian.

Nia hatutan diskusaun ba artigu foun, proposta ba artigu foun trasforma fundu foun ida ba kriasaun fundu infra-estrutura no fundu autonomu ho ninian rekerjitus no karkarter foun maka termina diskusaun loron 4 ninian komisaun eventual.

Nia hatutan tan komisaun eventual sei kontinua ninia servisu iha no halo enkontru iha fatin hanesan iha senguda feira iha 03:00 oras, tamba ho mudansa lubuk ida relasiona ho proposta 33 ne’ebe aseita plus proposta ba aumenta artigu ho inisiativu foun.

Aderito Hugo klarifika katak, iha diskusaun ba loron 4 deskobre mos montante orsamentu ba kompras kombustivel ninian ba sentral elektrisidade Hera ho Betano ho montante $100 miloens.

“Iha diskusaun ba loron 4 ninian, deskobre mos montante orsamentu ne’ebe alokadu iha proposta orsamentu ne’e, kona-ba alokasaun orsamentu ida ba kompras kombustivel ba sentral elerisidade Hera no Betano ho montante $100 millioens ital, detekta katak tamba presu mina tun ona,entaun ho montante ida ne’e halo redusaun husi 100 milloens,” esplika Aderito Hugo.

Nia hatutan, tanba presu mina mundial nian tuun maka orsamentu ba kompras kombustivel nian iha redusaun ba $24 miloens ne’ebe ajusta fali ba proposta audiusional ne’ebe akontese atraves proposta nebe deputadu sira fo ba liña ministeriais sira nebe durante halo aprovasaun ba iha nivel Konsellu Ministru nian.

“Hanesan ita hotu hatene ita durante ne’e fo tempu ba tribunal das kontas atu prepara nia rekursus humanu auditor sira i bajeia ba audensius publiku nebe komisaun espesialidade sira halo, tribunal das kontas iha kondisoens ona para halo auditorio eksterna,” informa Aderito Hugo.

Durante ne’e Governu selu ajensia internasional hodi halo auditoria eksterna, maibe agora Tribunal das Kontas iha ona kbit sufsiente atu halo auditoria eksterna.

“Ita bo’ot sira hatene katak auditoria eksterna durante ne’e komesa primeru Governu to’o agora ita selu hela azensia internasional mak halo auditoria eksterna, tamba ita nia kbit nebe tribunal das kontas Timor-Leste ninian depois de estebelese, sira iha ona kbit subsiente atu halo auditoria eksterna tan ne’e maka konsiderasaun ba avansus idea tribunal das kontas Timor-Leste nian ne’e verba ba iha ida ne’e, nesesidade atu kontratu azensia internasional lori halo auditoria eksterna ba 2016 ita transforma ona ba tribonal das kontas,” informa Aderito Hugo.

Viariu $3.500 mil ne’e mos hasai montante $2 milloens hodi haforsa tan $24 milloens nebe foti husi osan atu aloka ba kompras kombustivel ninian, ho montante nebe hetan husi fatin rua, osan ne’e sufisiente para hodi kobre fali orsamantus nebe aumenta husi proposta nebe depotadu sira fo, aumesmu tempu fo resposta ba nesesidade adisional mai husi lina ministerial nian. Nes

Jornal Nacional