Advogado
nudar mos ekonomista, Manuel Tilman konsidera, kargu Prezidente Zona Ekonomiku
Espesial Sosial Merkadu (ZEESM), Mari Alkatiri inkompatibilidade de funsoens,
tanba konstituisaun RDTL hakerek ona katak, membru Governu labele asumi kargu
rua.
“Bolu
inkompatibilidade de funsoens tanba tuir konstituisaun RDTL se maka sai membru
do Governu labele sai deputadu, signifika katak tenki husik funsaun deputadu
hodi ba sai fali membru do Governu, tanba Dr. Mari mai fali deputadu nia la
husik ZEEMS, divia husik tia lai demisaun husi ZEEMS hodi publika buletin
ofisial depois maka mai ezerse fali kargu nudar deputadu maibe lae, tanba nia
so husu deit suspensaun husi Parlamentu Nasional (PN) maibe husi ZEESM lae,
ne’e maka kompatibilidade,”Eis deputadu bankada partidu Klibur Oan Timor
Asuwain (KOTA) Manuel Tilman ba jornalista sira Kuarta (09/12) iha salaun
Igreja Hosana Bebora, Dili.
Nia
dehan, atual prezidente ZEEMS Mari Alkatiri hola parte nafatin iha debate OJE
2016, tanba iha konflitu de interese hodi defende orsamentu ba ZEEMS Milaun
atus rua sanulu resin hitu ba tinan 2016 nian.
“Iha
mos konflitu de interese tanba Mari Alkatiri mai fali iha Parlamentu Nasional
hodi defende fali projetu ne’ebe nia rasik kaer ho osan montante milaun atus
rua sanulu resin hitu Como nia Sekretariu Jeral FRETILIN entaun deputadu
FRETILIN vota tan fali ba nia, depois nia maka sei fila ba hodi kaer fali osan
refere,”haktuir Tilman.
Signifika
katak, konflitu de interese ne’e iha tanba nia presidenti hela ba ZEEMS, maibe
mai fali iha Parlamentu Nasional (PN) hodi defende fali orsamentu refere.
Konaba
asuntu refere Jornalista sira tenta konfirma ba prezidente ZEESM, Mari Alkatiri
iha uma fukun Parlamentu Nasional horseik, maibe nia parte rezeita fo
komentariu ba asuntu refere.Ita
Jornal
Nacional
Sem comentários:
Enviar um comentário