Primeiru-ministru
timoroan afirma ona iha loron-kinta katak nia la troka liberdade imprensa nian
ho "iresponsabilidade hosi imprensa" no sei la partisipa iha gabinete
prokuradór nian hodi desidi atu avansa ka la'e ho kesar ida hasoru jornalista
na'in rua no jornal ida.
"Nu'udar
sidadaun timoroan ida ne'ebé tenki simu perseguisaun durante tinan 24 hosi
okupasaun indonéziu, apoiu hosi prinsipál poder osidental sira, inklui hosi
defensór balun hosi liberdade imprensa nian iha mundu, ha'u sei la troka
liberdade imprensa no liberdade espresaun nian ho iresponsabilidade hosi
imprensa no espresaun iresponsavél sira liberdade nian", afirma hosi Rui
Maria de Araújo.
"Hanesan
ema ofendidu, ha'u laiha kontrolu hosi desizaun hosi gabinete prokuradór nian.
Sei hanesan imposivel mai ha'u hodi partisipa iha gabinete prokuradór nian
relasionadu ho nia funsaun sira investigasaun nian no implementasaun hosi lei
iha Timor-Leste hanesan sira konsidera adekuadu tuir lei", nia hatete.
Pozisaun
hosi Rui Maria de Araújo hakerek iha karta ida hodi hatán ba organizasaun
internasional haat jornalizmu nian ne'ebé hakerek ona ba primeiru-ministru
timoroan, iha semana ne'e, hodi apela atu hasai kesar hasoru jornalista na'in
rua no jornal timoroan ida.
Freedom
House, o Committee to Protect Journalists, o South East Asia Journalist Unions
ho International Federation of Journalists refere ba kesar ne'ebé xefe Governu
aprezenta hasoru jornalista sira Oki Raimundos ho Lourenço Martins no jornal
Timor Post, tanba artigu ida ne'ebé publika iha fulan-Novembru.
Resposta
ho pájina haat ne'ebé hakerek iha loron-kinta, ne'ebé Lusa iha asesu, la
hakerek hodi Governu nia naran no asina de'it hosi Dr. Rui Maria de Araújo,
ne'ebé afirma katak aprezenta dokumentasaun ba gabinete prokuradór nian
relasionadu ho artigu ne'ebé nia nu'udar sidadaun no la'ós nu'udar xefe Governu
nian.
Kazu
hahú ho publikasaun iha loron 10 fulan-Novembru hosi artigu ida iha diáriu
Timor Post ho títulu "suspeita katak eis-asesór ida hosi Ministériu
Finansa (MdF) entrega ona projetu ida ba empreza indonéziu ida".
Aleinde
imajen ida hosi dokumentu ida ne'ebé asina hosi Rui Araújo, ne'ebé agora
nu'udar primeiru-ministru, no hosi asesór na'in rua seluk hosi MdF, refere ba
empreza PT Sistemindo Teknomata Mandiri maibé iha lejenda foto no testu hosi
artigu ne'e refere ona empreza PT Packet System Indonesia, "maski
jornalista afirma iha artigu hanesan katak Timor Post iha kópia ida hosi karta
rekomendasaun nian".
Iha
testu, jornalista refere ona katak signatáriu na'in tolu rekomenda ona hodi fó
kontratu - iha kauza maka fornesimentu hosi konteúdu sira ba edifísiu foun MdF
nian - a empreza (ho naran ne'ebé la loos) "tanba empreza kumpri kritériu
hosi konkursu", hodi hatutan katak "ema balun konsidera hanesan
entrega simples ida hosi projetu sira".
"Ho
respeitu tomak ba liberdade imprensa no espresaun nian, ne'e hanesan sala
faktuál sira? Jornalista sira bele hakerek no jornal sira publika notísia ida
hanesan ne'e tanba de'it liberdade espresaun no liberdade imprensa nian?, Rui
Araújo husu.
Rui
Araújo la konkorda mós ho argumentu hosi organizasaun haat ne'ebé hatete katak
jornal publika tiha ona koresaun hosi artigu hodi hatete katak publika de'it
notísia ida ho deklarasaun sira iha konferénsia imprensa ne'ebé
primeiru-ministru nega ona "akuzasaun falsu sira" no pedidu deskulpa
ida "ne'ebé temi de'it sala tékniku ida".
"Laiha
liafuan úniku ida hodi koriji akuzasaun sira lahó baze ne'ebé ha'u refere tiha
ona. Ne'e la'ós de'it sala tékniku ka faktual ida. Artigu tomak bazeia iha
alegasaun ida katak kontratu ida rekomenda ona ba empreza ida, buat ne'ebé
laiha apoiu ho baze iha dokumentasaun ne'ebé aprezenta hosi jornal", Rui
Araújo refere.
Xefe
governu fo hanoin katak lei imprensa estabelese direitu hatán hosi ema ruma
ne'ebé afetadu ho artigu sira imprensa nian no direitu ba koresaun, hodi haree
responsabildade sivil no kriminal sira.
"Buat
ne'ebé ha'u halo maka aprezenta ba Gabinete Prokuradór nian faktu sira hosi
akuzasaun falsu ida hasoru ha'u ne'ebé vulgarizadu. Depende hosi prokuradór
hosi aprezenta ka la'e kesar ida", nia hakerek.
Nia
hatutan katak aprezenta ona faktu sira tanba lei imprensa fó ba nia direitu
hodi halo no tanba "alegasaun sira korupsaun krimi públiku nian"
ne'ebé investiga hosi Ministériu Públiku, "hanesan prudente atu sidadaun
sira ne'ebé hetan akuzasaun públiku aprezenta faktu sira" ba prokuradór.
Nia
subliña katak atu iha ka la'e kesar ida, krimi hosi "denúnsia bosok",
ne'ebé hakerek iha kódigu penal no ne'ebé refere hosi organizasaun haat,
hanesan mós krimi públiku ida ne'ebé autoridade sira bele investiga, ho kesar
ka lahó kesar.
"Hanesan
provizaun ida hosi lei kriminal hodi prevene akuzasaun falsu sira hosi konduta
kriminal. Iha hodi proteje integridade hosi investigasaun kriminal no hosi
prosesu prokuradoria nian. Iha númeru ida hosi demokrasia dezenvolvidu sira,
liuliu sira ne'ebé maka bazeia iha lei sivil", nia hakerek.
Raimundos
Oki ho Lourenço Martins agora hetan Termu Identidade no Rezidénsia bainhira sei
hala'o investigasaun sira.
SAPO
TL ho Lusa - Foto@ Gabinete do Primeiro-Ministro de Timor-Leste
Sem comentários:
Enviar um comentário