DILI
(ANTIL) – Governu Repúblika Demokrátika Timor-Leste (RDTL) tenki bolu atensaun
ba operadór aviaun estranjeiru ne’ebé la kumpri lei. Tanba Kompañia Air
Timor Lakon Osan $ 2 Milliaun.
“Iha kompañia aviaun estranjeiru balun,
realidade kompañhia ida maibé uza aviaun rua sai nia operadór. Ida-ne’e la
kompri ona lei,” Diretór Finanseira Fiskáis Air Timor, Francisco de
Oliveira informa ba ANTIL Kuarta-feira (03/08) iha Dili.
Alende
ne’e, iha mós operadór aviaun balun kontinua uza aviaun ho idade liu ona tinan
20 hodi tula pasejeiru, tama no sai husi aeroportu Internasional Nicolau
Lobaro, Dili. Maske Governu fó ona karta notifikasaun ba operadór sira,
atu halo operasaun ho aviaun foun.
“Apartir 1 Juñu 2016, Air Timor komesa halo operasaun ho aviaun foun
maibé operadór balun se kontinua ho aviaun tuan ne’ebé sira iha”, Francisco de
Oliveira dehan tan.
Kompañia Air
Timor, operadór aviaun ida ne’ebé hamrik mesak, aluga aviaun ba atividade Vóo.
Nia
rekuñese, tanba de’it kompaña estranjeiru ne’ebé halo operasaun ho aviaun rua
no hatu billete aviaun nia folin, Air Timor oras-ne’e dadaun iha
krizi finanseira.
Air
Timor aluga aviaun foun, labele hatun folin. Ne’e duni, ema prefere hola
billete aviaun ho folin baratu, desde Janeiru – Augostu 2016.
Impaktu
husi kondisaun ne’e, Air Timor lakon ona $ 2 milliaun liu. “
Osan ne’e hotu mak divia asionista Air Timor sira hetan. Maibé ami
tenke lakon osan hirak ne’é. Maioria asionista ema Timor-Leste, balun ema
Singapura no Austrália”, Francisco de Oliveira dehan.
Kompañia Air
Timor hus atu alende Governu, organizasaun internasional aviasaun sira
ne’ebé Timor-Leste sai membru ona, tenki hamutuk fó atensaun ba kestaun ne’e,
atu kria kondisaun di’ak iha aéroportu Dili. “ Nune’e, Air
Timor bele iha visaun bá oin, aumenta lista vôo. Konserteza sidauk
iha osan atu hola, mas iha asesu atu bele aumenta aviaun foun,” nia dehan tan. (Jornalista:
Julia Ch. Lapudooh/Editór : Otelio Ote)
Sem comentários:
Enviar um comentário