LABARIK SIRA LA MERESE UZA TELEMOVEL

Komisaria Direitu Labarik (KDL), Maria Barreto hateten, labarik sira tinan 17 mai kraik la merese uza telemovel hodi asesu ba redi social,  tanba bele utiliza sala estraga labarik sira ninia futuru.

“KDL preokupa labarik sira nia utilizasaun telephone hodi asesu media sosial, tamba bele influensia labarik sira nia hanoin ba negativu, tamba labarik sira seidauk serve no tempu atu sira haree hodi hola parte ba buat ne’ebe mak seidauk to’o ninia tempu,”hatete komisaria direitu ba labarik, Maria Barreto, hato’o deklarasaun ne’e ba JN-Diário iha Hotel JL-Vila Fatuhada, Kinta (20/04/2017) wanhira ensera enkontru media force.

Maria Barreto hatutan,  telemovel bele halo labarik sira sai vitima ba internet liu-liu ba ema sira ne’ebé iha interese hodi hakarak atu akuza no estraga labarik sira nia futuru no dignidade hodi hamate labarik sira nia mentalidade wanhira asesu iha 24 horas nia laran.

Tanba ne’e nudar komisaria ba komisaun direitu labarik sira nian husu liu-liu ba inan aman sira ne’ebé mak fasilita telemovel ba oan sira ne’e tenki kontrola oan sira wainhira asesu ba medsos.

“Ezemplu husi nasaun vizinu Indonesia nian ne’ebé labarik sira asesu ba media online no la hetan kontrola husi inan aman no membru familia sira, wanhira sira asesu ba media sosial liu-liu utiliza internet nune’e dala ruma sira sai vitima husi akuzasaun hodi estraga labarik sira nia futuru no dignidade.

Ba kestaun ne’e KDL planu iha futuru sei foti medidas atu hapara media online ne’ebé mak dala ruma sai informasaun negativu no influensia ba iha labarik sira.tos

Jornal Nacional Diário