Hari Monumentu 12 Novembru Desizaun Laos Iha Governu

DILI – Primeiru Ministru (PM) Rui Maria de Araujo hateten hari Monumentu 12 Novembru nia nee laos desizaun husi governu nia liman, maibe desizaun husi Komite 12 Novembru.

Lia hirak nee hatoo husi PM Rui, ba Jornalista sira hafoin remata vizita ba SAMES, iha Kampung Alor, Dili, Segunda (07/11/2016).

Tanba saida maka monument nee la halo, tanba dezisaun nee laos governu e nia nein tenkeser governu nia, tanba proposta konkreta nee mai husi komite 12 novembru, tanba sira rasik maka reprezenta joven hotu-hotu neebe partisipa iha prosesu nee, sira hakarak saida deit maka sira halo atu lembra 12 novembru tenke sai buat ida mai husi sira,” hateten PM Rui.

Xefi Governu nee mos hatutan Prosesu nee husi komite 12 novembru rasik maka buka modelu ida neebe maka diak liu, proesu ida nee maka laori tempu naruk. Governu aprova ona proposta, laos aprova hotu kedas, purque iha modelu ida neebe komite 12 Novembru aprezenta, nee buat ida neebe boot no detailadu e depois implika orsamentu boot implika mos posebelidade atu muda sai ema barak iha are neeba.

Iha parte seluk Vitima 12 Novembru Abilio Cardozo hateten halo monumentu 12 Novembru nee politika governu nian, tanba nee sira nudar vitima prontu tuir ukun nain sira. Informasaun kompletu iha STL Jornal no STL Web, edisaun Tersa (08/11/2016). Joao Anibal

Suara Timor Lorosae