Pelumenus
ema na'in ida mate iha konfrontu sira entre grupu rival rua arte marsial sira
nian ne'ebé akontese iha oras 24 ikus ne'e iha zona osidente kapital timoroan
nian, Díli, konfirma ona hosi fonte polísia nian ba Lusa.
Tuir
fonte ne'e katak konfrontu sira envolve elementu sira hosi pelumenus grupu tolu
arte marsial sira nian, 77, ne'ebé iha forsa liuliu iha bairu Bebonuk, no Kera
Sakti ho PSHT (Persaudaraan Setia Hati Terate).
Fonte
hanesan esplika ona katak joven sanulu resin hosi grupu sira ne'ebé envolve iha
konfrontu maka'as sira ne'ebé mantén iha loron-kinta ne'e, iha zona sira
Bebonuk, Fatuhada, Marconi, no zona sira ne'ebé besik Pertamina nian.
"Ami
iha polísia sira iha fatin no ami sei akompaña situasaun durante kalan",
hatete hosi fonte polísia.
Tensaun
aumenta iha loron-kinta ne'e bainhira hahú hadeer mate-isin hosi vítima ida
ne'ebé mate iha loron-kuarta.
Konfrontu
sira entre elementu sira hosi grupu rival sira arte marsial nian hanesan
akontese beibeik no iha inísiu fulan ne'e nian rejista ona konfrontu violentu
sira iha zona Hera, iha kilómetru 10 hosi leste Díli nian, ne'ebé halo ema
na'in rua kanek, sunu uma lima, estraga motor oioin no kaer ema na'in ualu.
Iha
fulan hirak ikus ne'e iha rede sosial sira fahe vídeo sira ne'ebé hatudu
konfrontu sira entre elementu sira hosi grupu rival sira arte marsial nian, iha
Timor-Leste no mós iha Irlanda, ne'ebé hanesan fatin imigradu hosi joven barak
ne'ebé maka moris iha Timor-Leste.
Konfrontu
sira ne'e hamosu ona alerta sira hosi autoridade irlandés sira ne'ebé tenki
partisipa iha kazu balun hodi kaer no lori ba julgamentu timoroan balun.
Konfrontu
sira mosu beibeik maski iha esforsu sira ne'ebé autoridade timoroan sira halo
beibeik hodi kontrola problema hosi grupu sira arte marsial sira nian.
PSHT,
harii iha Java Oriental, iha Indonézia, iha tinan 1922, agora daudaun iha
membru millaun ida resin iha nasaun ne'e, iha mós elementu sira iha Malázia,
Singapura, Holanda, Fransa no Portugal, no mós iha fatin seluk.
PSHT
to'o iha Timor-Leste iha tinan 1983, organizasaun ne'e iha "guru"
na'in 3.500 resin, instrutór sira ne'ebé hetan graduasaun, ho membru rihun 30
resin iha nasaun tomak. Korka no Kera Sakti iha apoiante rihun resin.
SAPO
TL ho Lusa
Sem comentários:
Enviar um comentário