Lia Fuan Indisiplinadu PD-Fretilin Insulta Malu

DILI - Reprezentante povu iha uma fukun Parlamentu Nasional (PN), husi bankada Partidu Demokratiku no Fretilin insulta malu iha diskusaun OJE 2017, parte jeneralidade, tanba tempu neebe sira uza hodi hato intervensaun latuir rezimentu neebe maka iha.

Fonomena ida nee akontese kedan iha loron primeiru no segundu debate OJE 2017, horseika (24/11/2016), iha uma fukun PN. Loron primeiru debate OJE 2017, iha Kuarta (23/11/2016), bainhira Xefi bankada PD Maria Lourdes Bessa hato sira nia deklarasaun politika ba OJE 2017  liu tempu neebe mak meja PN fo, deputadu Antoninho Bianco husi bankada Fretilin halo kritika kedan ho lia fuan bankada PD Indisiplinadu.

Nunee mos iha debate loron segundu Kinta (24/11/2016), banhira deputadu Antoninho Bianco husi bankada Fretilin hato nia intervensaun, liu minutu sanulu, hetan reasaun kedan husi deputadu bankada PD Adriano do Nasimento neebe hateten deputadu Antoninho Bianco Indisiplinadu, tanba hato intervensaun liu oras neebe maka determinadu.

Hare ba akontesimentu ida nee, halo publik komesa was was ona ba reprezentante povu iha Uma Fukun PN, tanba sira lareprezenta ona povu nia hakarak, hodi hato aspirasaun povu nian, maibe buka insulta maka malu deit iha diskusaun OJE 2017, iha parte jeneralidade.

Deputadu bankada PD Adriano do Nascimento hateten, hakarak halo kritika oituan ba deputadu Antoninho Bianco, tanba indisiplinadu uza tempu liu.

Ohin hau hakarak hateten, deputadu Antonionho Binaco indisiplinadu, tanba uza tempu liu des minutu,” dehan deputadu Adriano.

Responde ba kestaun nee, deputadu Antoninho Bianco husi bankada Fretilin hateten nia halo tuir orientasaun bankada, neebe orientasaun bankada oinseluk nia lahatene, tanba nia bankada orienta nia atu koalia too minutu ida nee. Informasaun kompletu iha STL Jornal no STL Web, edisaun Sabado (26/11/2016). Carme Ximenes/ Natalino da Costa

Suara Timor Lorosae