Polísia kubanu impede manifestasaun dahuluk hosi opozisaun hafoin Fidel Castro mate

Polísia kubanu impede iha domingu ne’e organizasaun ba manifestasaun, dahuluk dezde Fidel Castro nia mate iha 25 fulan- novembru, no detein   opozitor  sira sanulu resin, afirma ba ajénsia France-Presse responsável oioin opozisaun nian.

Operasaun hanesan hosi polísia iha sidade leste nasaun halo  impedimentu ba marxa, ne’ebé  konvoka ona atu husu libertasaun ba opozitór sira.

"Akontese moos operasaun hanesan  tuku neen dader iha  Santiago Cuba no Palma Soriano", iha sudeste illa nian. "Tama ba abitasaun haat no to’o agora detein ona ema 42, 20 iha Santiago, 12 iha Palma no 10 iha  Havana", deklara José Daniel Ferrer liuhosi  telefone ba ajénsia noticiosa.

Líder hosi União patriótica de Cuba (Unpacu), organizasaun ida hosi opozisaun, Ferrer apela manifestasaun ba libertasaun "prezu polítiku" ne’ebé  detein ona durante  oras hirak nia laran iha  postu polísia Santiago Cuba.

"Ameasa ha’u, hatete katak apelu ne’e iha posibilidade provoka krime no delitu sira hanesan perturbasaun ba orden públika, atentadu, ofensa no espionajen", deklara Ferrer hafoin ninia libertasaun.

 Governu socialista hosi  Raúl Castro nega katak eziste prezu polítiku sira iha Kuba no afirma katak membru hosi opozisaun  kaer tanba  viola lei. Poder socialista kubanu, ne’ebé tuur iha partidu úniku, laemite iha domingu ne’e kualkér komentáriu ruma kona-ba deklarasaun ne’e.

Detensaun iha Kuba barak liu ho  temporáriu no dala barak ho  objetivu, hanesan iha domingu ne’e, impede atu opozitór sira halo manifestasaun iha dalan.

Iha Havana, grupu opozisaun hosi  Damas de Branco afirma ho paralelo ba AFP katak  pelumenus uma 20 membru movimentu ne’e nian hetan "serku"hotu iha domingu hosi polísia.

"Ami iha informasaun ne’ebé hatete katak pelumenus uma 20 hetan  serku atu impede kualkér saída [iha domingu], entre sira maka sede" movimentu, haktuir sira nia  responsável, Berta Soler.

SAPO TL ho Lusa