segunda-feira, 9 de janeiro de 2017

KM Aprova Proposta Bandu Uza Rama Ambon

PARTILHAR
DILI (ANTIL) – Reuniaun ordinária dahuluk Konselhu Ministru (KM) iha tinan 2017, iha ajenda lubuk ida ne’ebé halo redistribuisaun fali tamba tempu no sei reajenda fali ba reuniaun oin mai.

“Ohin diskuti no aprova ona Dekretu-Governu kona ba ezekusaun Orsamentu Jeral Estadu 2017 no Dekretu-Governu atu hadia infrastrutura rural”dehan Sekretariu Estadu Avelino Coelho ba Jornalista sira foin lais ne’e iha Palásiu do Governu.

Nia hatutan, KM aprova ona proposta lei kona-ba kríme no fábriku importasaun transporte, venda, sesaun ou porte de rama ambon, utilizasaun armas branka para finji prátika kriminais  no prátika ne’ebé aprezenta husi Ministériu Interiór.

Nune’e nia dehan tan, proibisaun kona-ba rama ambon no atividade sira seluk ne’ebé relasiona ho arte marsiál sira.

“Dekretu lei ne’ebé mak aprova iha alterasaun dahuluk mak Dekretu-Lei no 13/2016 aprezenta husi Ministériu Administrasaun Estatál (MAE)”, tenik Avelino.

Nia hatutan, Sekretáriu Estadu Joventude no Desportu (SEJD), aprezenta rezolusaun governu ne’ebé kria komité orientadór ba peskiza no dokumentasaun papel kona-ba luta joventude timoroan ba libertasaun nasionál, komité ne’ebé uluk fó sai naran ona ne’ebé kompostu husi ema na’in 25, approvadu ona.

Komité orientadór ne’e mak orienta servisu tékniku atu halo peskiza hafoin hakerek istória partisipasaun juventude iha luta hahú husi bainhira baze apoiu rahun.

Pelumenus komesa 1980 mai ne’e, joven sira ne’ebé hola parte ne’e bele kontribui hakerek história para transmite hela valór sira ne’ebé uluk sira fiar hodi luta ba ukun án hodi jerasaun sira ne’ebé sei mai.

Avelino dehan tan, Rezolusaun Governu kona-ba polítika seguransa alimentária nutrisional ne’ebé apprezenta husi Ministériu Agrikultura no Peska (MAP), maibé sei reajenda ba 10 Janeiru, MAE apprezenta dekretu lei ne’ebé atu approva orgánika INAP nian no approvadu ona.

Tuir nia, KM halo hela diskusaun kona-ba Estatutu Orgániku Arkivu Nasional Timor-Leste. (Jornalista: Julia Chatarina/Editor: Alberto ALves)

Foto: Sekretáriu Estadu Konsellu Ministru, Avelino Maria Coelho da Silva
PARTILHAR

Author: verified_user

Publicação luso-timorense sem fins lucrativos

0 comentários: