quinta-feira, 17 de agosto de 2017

Esperansa Governu Foun, Xanana Sei Lidera FM

PARTILHAR

DILI - Parte akademiku iha esperansa nafatin katak governu foun mai sei fo fiar nafatin ba maun boot Xanana Gusmao, atu lidera nafatin negosiasaun Fronteira Maritima (FM), tamba nia maka durante nee sai negosiador.

Lia fuan hirak nee hatoo husi Reitor Institute Of Businness (IOB) Augusto Conceição Soares, ba STL iha nia knar fatin Kinta, (17/8/2018). Nia hatutan, tamba povu Timor tomak nia naran hodi bele rejolve problema nee ho diak. Mezmu governu foun maibe esperansa sei tau nafatin atu negosiador ba fronteira maritima.

Negosiasaun Fronteira Maritima lao nafatin, sim ita hotu hatene katak maun boot Xanana nebe tutela hela ba nee hodi povu Timor tomak nia naran hodi bele rejolve problema maritima Timor nian ho diak. Maibe hau fiar katak governu foun fo fiar nafatin ba maun Xanana atu sai nafatin negosiador fronteira maritima nian nebe oras nee dadaun lao hela,” nia dehan.


Adjuntu Diretor Ezekutivu Komite 12 de Novembru Rogerio Castro da Cruz dehan lideransa hanesan Xanana Gusmao tenki fo fiar nafatin ba nia atu lidera negosiasaun ba fronteira maritime. Dala rua ona inkontru konaba negosiasan nee depois to iha Timor mos ema ba simu nia ho diak.

Sekertariu Jeral Conselu Nasional Juventude Timor Leste (CNJTL) Luis Mendes Ribeiro, S. Sos dehan povu Timor Leste sei fo fiar nafatin ba Maun Boot Xanana atu sai negosiador ba fronteira maritima. 

Justinho Manuel | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: