Setembru PR Lu-Olo Sei Partisipa Reuniaun Assembleia Jeral ONU

DILI - Xefe Estadu Francisco Guterres Lú Olo neebe sei representa Timor- Leste hodi partisipa iha Reuniaun Asembleia Jerla iha Nasoens Unidas, Setembru tinan nee.

Lia hirak nee hatoo husi Primeiru Ministru Rui Maria de Araujo ba Jornalista sira hafoin remata enkotru ho Prezidente Republika Francisco Guterres Lu-Olo iha palasiu Prezidensial Bairo Pite Kinta (10/8/2017).

Tuir  Primeiru Minstru (PM) Rui Maria de Araujo katak iha  fulan Setembru tinan nee Prezidente Republika Francisco Guterres Lú Olo sei halo nian viazen ba iha Nasoens Unidas, representa Timor-Leste hodi partisipa iha reuniaun Asembleia jeral neebe maka halao iha fulan Setembru tina nee.

Ami mos ohin koalia kona ba viazen Presidente Republika neebe sei representa Timor-Leste hodi partisipa iha Reuniaun iha Asembleia Nasaun Unidas Fulan Setembru tinan ne,” dehan nia.

Nia hatutan alem koalia konaba visajen Prezidente Republika koalia mos kona ba osamentu visajen neebe prezidente Republika presiza.

Entertantu Xefe governu nee sublina katak governu foun sei simu pose iha loron 25 fulan Agostu, neebe maka nia parte koalia ona ho Prezidente Republika.

“Governu foun sei simu pose iha loron 24 ka 25 fulan Agosto neebe maka hau koalia ona iha semana kotuk reuniaun antes nee ho Prezidente Republika katak membru governu foun tenke simu ser simu pose iha 24 fulan ida nee,” dehan PM Rui. Natalino Costa

Suara Timor Lorosae