DILI,
(TATOLI) – Primeiru Ministru, Marí Alkatiri hateten eis Ministru
Planeamentu Investimentu Estratéjiku, Kay-Xanana Gusmão simu ona proposta
Governu hodi asume kargu Prezidente Alta Autoridade ba asuntu Delimitasaun
Fronteira Marítima no Projetu Tasi Mane.
ʺPozitivu
ona ne’e mak ha’u fó sai ba públikuʺ,
hato’o Marí ba jornalista sira iha Palásiu Prezidente Nicolau Lobato, Bairru
Pité, kinta ne’e hafoin relata serbisu Governu ba Prezidente Repúblika,
Francisco Guterres Lú Olo.
Antes
asumi kargu ne’e, nia esplika, tenke halo uluk Dekretu Lei para regula Alta
Autoridade ne’e hanesan instituisaun ida ho autonomia finanseira no
patrimoniál.
“Atu
halo Dekretu Lei, primeiru, programa Governu tenke pasa iha Parlamentu Nasionál
nune’e governu ida ne’e bele sai hosi estatutu Governu Jestaun para bele sai
hanesan governu ida kompletu atu bele halo dekretu Lei ida para kria estatutu
ida ne’eʺ, esklarese Xefe
Governu.
Iha
okaziaun ne’e, Primeiru Ministru afirma bainhira programa Governu la liu, sei
diretamente ba eleisaun antesipada.
“Ha’u
ba la’ós atu konvense partidu maibé ne’e ha’u nia obrigasaun atu aprezenta
programa ba Parlamentu Nasionál. Sé ha’u la aprezenta, ha’u nia dever ida ne’e
ha’u la kumpri. Tanba ne’e, sé programa la liu ita hakat ba eleisaun antesipadaʺ, Marí haklaken.
Nia
hateten programa ida ne’e atu serbí povu no halo dezenvolvimentu ba povu sira
ne’ebé presiza liu dezenvolvimentu. Tanba ne’e, tuir nia, sei laiha deputadu
ida mak hamriik atu vota kontra fali programa Governu.
Jornalista:
Xisto Freitas | Editora: Rita Almeida
Sem comentários:
Enviar um comentário