Salariu atraza, Professor sira husu governu rezolve lalais

“Husu klarifikasaun husi Primeiru Ministru, Ministru Edukasaun no Ministru Finansas, tanba sa mak iha Ministeiru Edukasaun iha fulan setembru no Novembru 2017 sempre hetan atraza salariu professores sekundariu nian,”porta voz, Joao Braz dos Santos Aparicio,  hato’o lamentasaun ne’e liu konfrensia imprensa. Sesta-feira (01/12/2017) iha Eskola 4 de Setembru UNAMET, Dilí.

Professores sira mos husu ba Ministeiru Edukasaun atu kontinua halo prosesu pagamentu retorativu ba daruak nian ba professores sira ne’ebe seidauk hetan sira nia direitu rezultadu avaliasaun dezempenu nian, tuir despaisu ne’ebe Diretur jeral administrasaun finansa, Ministeiru Edukasaun no 0744/ RDTL DGAF-ME /VIII/ 2017 iha loron 8 fulan agostu 2017.

“Ministeiru Edukasaun fo garantia katak direitu ida ne’e sei la’o  kontinua  no nia pagamentu sei halo hotu iha tinan 2017, maibe na realidade ate adata professores barak mak seidauk,”argiumneta professor ne’e.

Relasiona problema ne’e, konsellu professores eskola 4 de setembru UNAMET Dili husu ba Ministeiru Edukasaun  atu kria kondisaun ba professores  ne’ebe  mak to’o ohin loron kompleta ona eskalaun  iha kategoria professor tenke asesu.

“Antes ne’e mos husi diresaun jeral administrasaun finansa Ministeiru Edukasaun informa ona ba diretores edukasaun munisipiu hotu no mos ba professores sira hotu konaba  pagamentu progresaun eskalaun nian ba etapa primeiru mak simu tiha ona fulan hirak liu ba, maibe  oinsa ba professores sira ne’ebe mak seidauk simu, professores sira ejizi para atu halo klarfikasaun ba kestaun,” afirma nia.

"Entretantu Prezidente Sindikatu Professor Timor-Leste (SPTL) Francisco da Costa Fernandes, hatutan tan katak, sindikatu mos ejizi ba Ministeiru Edukasaun no fo razaun, tanba saida mak salariu ba professores sira tarde.

“Ministeiru Edukasaun tenke esplika ba professores sira para bele hatene motivu husi problema ne’e, ka osan mak laiha atu nune’e sira mos bele hatene, no labele ajizi ba sira nia direitu,”tenik prezidente SPTL.

Nia dehan, enkuantu problema refere la rezolve professores sira amiasa atu halo asaun hasoru VII governu konstituisional no Parlamentu Nasional hodi ejizi sira nia direitu ne’e. Aes

GMN - Grupo Media Nacional