PPN Despaisa Karta Ba Bankada Halao Plenaria KP

DILI – Prezidente Parlamentu Nasional (PPN) haruka ona karta ba bankada sira iha Parlamentu Nasional (PN), atu halao plenaria ba Komisaun Permanente (KP), hodi funsiona atividade PN.

Informa Xefe Bankada PD Maria Teresa da Silva katak, foin dadaun PPN haruka ona karta ida ba iha bankada sira katak ohin Kinta dia 8 membru PN sira sei halao plenaria, iha PN kona ba forma KP.

Neebe aban plenaria, ajenda saida deit sei hein tuir mai mak hatene, maibe aban tuku 10 dader oras Timor-Leste sei halao plenaria entre membru deputadu/a sira iha KP,” katak Teresa ba STL Kuarta (07/02/2018) iha sala Bankada PD, PN.

Iha parte ketak, Xefe Bankada CNRT Arao Noe katak, simu ona telfone husi Sekretariadu PN, dehan ohin Kinta iha sesaun plenaria ba KP nian.

Nia mos dehan, kona ba aktu eleitoral nian, Prezidente  Republika mos  ohin komvoka ona ho partidu sira para atu hodi fiksa data ba EA, neebe husu ba atividade hanesan CNE, STAE atu halao maibe hein lai data Fiksa ba EA, labele halao lai atividade antes seidauk iha data EA.

Nunee mos Prezidente Parlamentu Nasional Aniceto Guterres hatete, Komisaun permanente estabelese ona, tanba kuandu PN disolve KP establese ona, i husi bankada sira hatama ona membru ba KP, neebe ohin Kinta sei halo reuniaun ba KP. 

Guilhermina Franco | Suara Timor Lorosae