Hosi António Sampaio, hosi
ajéncia Lusa
Vitória, ho maioria absoluta,
hosi koligasaun AMP iha lejislativu antesipadu loron-sábadu, iha Timor-Leste,
hakotu ho tensaun polítika durante fulan ualu iha nasaun.
Lejislativu loron-sábadu rejista
ona númeru boot hosi eleitor sira, iha nasaun laran no iha estranjeiru, aumenta
sentru votasaun sira no marka ona ho boatu no notísia falsu sira, ne'ebé
hakarak hamosu kredibilidade hosi votasaun liuliu iha rede sosial sira.
Asaun eleitoral loron-sábadu lori
ona ema timoroan sira fila fali ba meza sira votu nian, eleisaun dahaat iha
menus tinan ida ho balun (eleisaun autártika, prezidensial sira ho lejislativu
rua).
Ba observador timoroan sira ho
internasional sira, asaun eleitoral hanesan justu, livre ho transparente, ho
taxa partisipasaun ida ne'ebé aas tebes: 80% hosi eleitor resenseadu sira.
Krizi polítika iha fulan ualu
ikus ne'ebé nunka akontese reprezenta ona teste pasífiku ida ba ekilibriu
institusional ho konstitusional sira iha nasaun, obriga ema timoroan sira ba
fali votasaun, ba dala uluk, la tuir kalendáriu regular.
Ba prosesu polítika ne'ebé
maka'as, tuir kampaña ida nakonu ho insultu sira no krítika sira, maibé, la
konta ho insidente ki'ik sira, asaun sira hanesan de'it violénsia hosi
linguajen sira.
Maioria absoluta hosi Aliansa
Mudansa ba Progresu (AMP) - lidera hosi Xanana Gusmão ne'ebé kaer fali kargu
nu'udar primeiru-ministru ba tinan tolu - iha dalan nakloke hodi harii governu
no, hafoin ne'e, aprova Orsamentu Jeral Estadu nian ba tinan 2018.
Timor-Leste hakotu tinan liubá
lahó aprovasaun ba konta públiku sira, ho opozisaun maioritáriu trava programa
governativu no orsamentu retifikativu.
Maski AMP halo aliansa ho partidu
rua ki'ik seluk iha parlamentu - Partidu Demokrátiku (PD, iha fatin lima) no
estreia hosi Frente Dezenvolvimentu Demokrátiku (FDD, ho kadeira tolu) - la
konsege ultrapasa eventual suspensaun hosi Prezidente Repúblika.
Francisco Guterres Lu-Olo hanesan
prezidente Fretilin nian (Frente de Revolução do Timor-Leste Independente, to'o
agora iha governu) no konta ona, iha nia eleisaun, ho apoiu hosi nia partidu no
hosi Congresso Nacional de Reconstrução Timorense (CNRT), hosi Xanana Gusmão,
ne'ebé agora lidera AMP.
Votasaun iha loron-sábadu hatudu
polarizasaun boot ida, ho partidu prinsipal rua aumenta maka'as, bainhira forsa
sira ki'ik liu diminui liu nia dimensaun eleitoral.
AMP hetan votu liu rihun 45 iha
duké iha tinan liubá, to'o ona limiti hosi rihun 300 no Fretilin hetan liu
rihun 44,6, halakon limiti hosi rihun 212.
Partidu sira ne'ebé konkore iha
koligasaun vensedora benefisia ona hosi regra sira hosi métodu Hondt iha
eleisaun hosi mandatu sira, hodi hametin maioria absoluta ida.
Bainhira partidu sira ne'ebé halo
parte iha AMP konkore mesak, haree ba rezultadu atual sira no proporsaun hosi
votu sira iha eleisaun 2017 nian, Fretilin karik liu hosi 1.500 ba kuaze rihun
20 hosi votu sira, iha diferensa ho partidu prinsipal hosi koligasaun, CNRT.
Tensaun polítika iha tinan ikus
ne'e laiha konsekuénsia sira iha taxa partisipasaun nian ne'ebé hanesan
superior duké rejista iha tinan 2017, ne'ebé maka vota menus hosi 77% hosi
eleitor sira.
Mobilizasaun haree mós iha
estranjeiru, hosi resenseamentu maka'as no mós partisipasaun maka'as ho
rezultadu sira hatudu mobilizasaun boot ida hosi apoiante sira Fretilin nian.
Iha nasaun ne'ebé imigrante sira
nia osan hanesan fonte reseita boot hafoin osan sira ne'ebé mai hosi petróleu
ho gás natural, kuaze votu sira hamutuk 4.700 hosi ema timoroan sira iha
estranjeiru reprezenta ona kuaze metade hosi fatin ida hosi fatin 65 iha
Parlamentu Nasional.
SAPO TL ho Lusa
Sem comentários:
Enviar um comentário