terça-feira, 15 de maio de 2018

Eleisaun: ONU felisita asaun eleitoral pasífiku no adezaun hosi eleitor sira


Kordenador rezidente hosi ONU no reprezentante rezidente hosi Programa ONU nian ba Dezenvolvimentu (UNDP) iha Timor-Leste felisita ona, iha loron-segunda ne'e, autoridade sira ho povu timoroan tanba dalan pasífiku ne'ebé maka halo eleisaun lejislativu iha loron-sábadu liubá.

"Ami felisita ho eleisaun pasífiku no partisipasaun maka'as hosi eleitor sira iha asaun eleitoral ne'ebé maka hala'o iha loron 12 Maiu 2018", hatutan hosi komunidade ne'ebé halo hosi reprezentante ONU nian, Roy Trivedy.

Koligasaun AMP, lidera hosi Xanana Gusmão, manán ona, ho maioria absoluta, eleisaun lejislativu antesipadu iha Timor-Leste, hapara nune'e tensaun polítika durante fulan ualu iha nasaun.

"Ami hein ho espetativu rezultadu hosi apuramentu nasional hosi CNE [Komisaun Nasional Eleisaun nian] no validasaun hosi rezultadu sira hosi parte Supremu Tribunal hodi hakotu prosesu ne'e", hatutan hosi ONU.

Kordenador rezidente ONU nian felisita mós esforsu sira hosi autoridade nasional sira, liuliu Sekretariadu Tékniku hosi Administrasaun Eleitoral tanba organizasaun ho jestaun eleisaun nian, Komisaun Nasional Eleitoral tanba akompaña prosesu eleitoral ho Polísia Nasional Timor-Leste nian tanba mantén lei ho orden durante prosesu tomak.

Lejislativu loron-sábadu rejista ona númeru boot hosi eleitor sira, iha nasaun laran no iha estranjeiru, aumenta sentru votasaun sira no marka ona ho boatu no notísia falsu sira, ne'ebé hakarak hamosu kredibilidade hosi votasaun liuliu iha rede sosial sira.

Asaun eleitoral loron-sábadu lori ona ema timoroan sira fila fali ba meza sira votu nian, eleisaun dahaat iha menus tinan ida ho balun (eleisaun autártika, prezidensial sira ho lejislativu rua).

Ba observador timoroan sira ho internasional sira, asaun eleitoral hanesan justu, livre ho transparente, ho taxa partisipasaun ida ne'ebé aas tebes: 80% hosi eleitor resenseadu sira.

Krizi polítika iha fulan ualu ikus ne'ebé nunka akontese reprezenta ona teste pasífiku ida ba ekilibriu institusional ho konstitusional sira iha nasaun, obriga ema timoroan sira ba fali votasaun, ba dala uluk, la tuir kalendáriu regular.

Ba prosesu polítika ne'ebé maka'as, tuir kampaña ida nakonu ho insultu sira no krítika sira, maibé, la konta ho insidente ki'ik sira, asaun sira hanesan de'it violénsia hosi linguajen sira.

Maioria absoluta hosi Aliansa Mudansa ba Progresu (AMP) - lidera hosi Xanana Gusmão ne'ebé kaer fali kargu nu'udar primeiru-ministru ba tinan tolu - iha dalan nakloke hodi harii governu no, hafoin ne'e, aprova Orsamentu Jeral Estadu nian ba tinan 2018.

Timor-Leste hakotu tinan liubá lahó aprovasaun ba konta públiku sira, ho opozisaun maioritáriu trava programa governativu no orsamentu retifikativu.

SAPO TL ho Lusa

Sem comentários: