DILI, (TATOLI) - Portavós Aliansa
Mudansa ba Progresu-AMP, Taur Matan Ruak afirma, AMP sei la forma governu ho
modelu Unidade Nasionál tanba modelu ida ne’e Kay Rala Xanana Gusmão (Taur nia
maun) mak hamosu, maibé nunka akontese durante ne’e.
“Governu Unidade Nasionál iha Timor
Maun Xanana mak ko’alia uluk, maibé nunka akontese. Agora AMP manan 34 kadeira
la iha dalan ba ida ne’e,” Taur Matan Ruak realsa iha konferénsia imprensa
ne’ebé hala’o iha sede AMP, bairru Grillos, ohin.
Prezidente Partidu Libertasaun
Popular-PLP, Taur Matan Ruak hatán kestaun ne’e hodi responde ba sujestaun
públiku nian ne’ebé hatete, oitavu governu atu iha estabilidade di’ak liu harii
governasaun konsensu nasionál nune’e asegura labele mosu subsequente eleisaun.
AMP prefere ukun mesak hodi
hadi’a povu nia moris bazaeia vizaun Planu Estratejiku Dezenvolvimentu Nasionál
2030 nian, katak, Timor-Leste, iha futúru, sei iha ekonomia ida ne’ebé
moderna no diversifikada, ho infra-estruturas ne’ebé ho kualidade ás, inklui
estradas, eletrisidade, portus e telecomunicasoens.
Agrikultura, ne’ebé sei iha nível
‘subsistênsia’, sei transforma ba agrikultura emprezarial ne’ebé sei hala’o
hosi emprezas kiik. Nune’e, Timor-Leste sei sai auto-sufisiente iha
ai-han no produz produtus agríkolas hanesan ai-han loron-loron, husi kriasaun
animais no husi atividades agríkolas seluk.
Setor petrolífero sei sai nu’udar
indústria baze ba ita-nia ekonomia, tanba sei impulsiona (ka dudu) atividades
produtivas sira seluk.
Jornalista : Rafael Bello | Editór
: Manuel Pinto
Imajen: Taur Matan Ruak. Foto:
Antonio Goncalves
Sem comentários:
Enviar um comentário