AMP Ukun Tenke Realiza Promesa

DILI - Iha eleisaun antisipada povu hili ona partidu AMP ba kaer ukun iha Oitavu Governu, tanba nee AMP tenke realiza promesa neebe maka sira hatoo iha tempu kampania.

Vise Prezidente Partidu Fretilin, Francisco Branco hateten, AMP tau ukun fuan sanulu ba iha sira nia programa, tanba nee reza labele sai fali hanesan uluk dehan se maka halo korupsaun naok lima sent sai, maibe ukun tinan sanulu lasai.

“Ukun fuan sanulu nee dehan ita katolik nee mandamentu, AMP tau ukun fuan sanulu nee ba sira nia programa nee maka ita reza labele sai fali hanesan uluk dehan korupsaun lima sent mos sai, depois ukun tinan sanulu naok liu lima sent mos lasai ida,” dehan Branco ba STL iha sede CCF Comoro, Dili, Tersa, (15/05/2018).

Nia dehan,  hein katak ida nee bele lao los ba buat sira neebe politiku sira kolia nee, tenke kesi metin duni iha programa politika sira nian ba oin, laos kolia iha ibun deit iha kampania, nunee hein mos tusaun sira neebe sira halao tiha ona neebe maka tama tiha ona iha auditoria nee labele repete fila fali tan.

Iha parte ketak jurista Manuel Tilman hateten, governu foun mai hili ema neebe ba Ministru Justisa, pelumenus ema nee tenke hetan formasaun politika. 

Notisia kompletu lee iha jornal STL edisaun Kuarta, (16/05/2018)

Carme Ximenes/Maria Lay | Suara Timor Lorosae