terça-feira, 15 de maio de 2018

Sidadaun portugés mate iha enklave Oecusse-Ambeno

PARTILHAR

Autoridade timoroan sira ho reprezentasaun konsular Portugal nian iha Timor-Leste finaliza hela preparativu sira hodi lori sidadaun portugés ida nia mate-isin ba Oecusse, hetan sidadaun ne'e nia mate-isin iha loron-sábadu iha enklave Oecusse-Ambeno. 

Transladasaun ba Díli tenki halo hodi nune'e bele halo autópsia ida, antes lori mate-isin ba Portugal, konfirma hosi fonte sira administrasaun rejional, hosi polísia ho serbisu konsular sira hosi Embaixada Portugal nian iha Díli ba Lusa.

Fonte hosi administrasaun hosi Rejiaun Administrativu Espesial Oecusse-Ambeno (RAEOA) adianta ona ba Lusa katak sidadaun portugés nia mate-isin hetan iha nia uma iha Pante Makassar, iha enklave Oecusse-Ambeno, iha loron-sábadu.

Moris iha Madeira, kaben-na'in, portugés ne'e serbisu kleur ona ba empreza portugeza ida ne'ebé maka envolve iha projetu sira iha rejiaun timoroan ne'e.

Fonte polísia nian hatete ba Lusa katak sinal dahuluk sira aponte katak nia mate ne'e hanesan kauza mate natural.

ónsul Portugal nian iha Díli, Paulo Maia e Silva, hatete ona ba Lusa katak ko'alia ona ho autoridade timoroan sira hodi avansa "lalais" ho transladasaun mate-isin ba Díli.

"Tanba administrasaun públika la funsiona ho di'ak [tanba eleisaun sira iha findesemana] no tanba sidadaun ne'e mate iha Oecusse halo kazu sai komplikadu liu. Maibé ami tenta rezolve lalais kestaun sira hodi nune'e mate-isin bele lori ba Portugal", nia konsidera.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: