DILI: Komandu Jerál Polisia
Nasionál Timor-Leste (PNTL) husu ba lider partidu sira atu respeita desizaun
povu nian, hodi nafatin tane aas valór demokrasia atu garante estabilidade iha
rai doben ne'e.
Povu ezerse ona sira nia direitu
iha Eleisaun antesipada. Buat hotu la’o ho hakmatek laiha perturbasaun ne'e
signifika povu iha duni maturidade polítika ida ne'e aas duni.
Ne’e duni, Komandante Jerál PNTL,
Komisáriu Júlio da Costa Hornay, apela ba lider partidu polítiku sira nafatin
apoiu estabilidade seguransa iha rai laran.
"Ha'u husu ba lider partidu
sira hotu atu prontu simu rezultadu eleisaun antesipada ne'ebé povu ezerse ona
liu husi ninia votu sira. Partidu ne'ebé manan buka nafatin hakuak partidu
hotu", tenik nia, iha servisu fatin, Sábadu (12/5).
Tuir nia, iha ne'ebé de'it buat
ida hanaran kompetisaun sempre iha ida mak vensedor, maibé iha festa demokrasia
ne'e laiha ida mesak nian. Manan hotu manan no lakon mós hotu hotu nian.
Ne'e duni, hanesan komandante
másimu iha instituisaun seguransa ne'e, hakarak nafatin estabilidade atu povu
kontinua moris hakmatek, bele halo sira nia negósiu. Tan ne'e, lider sira mak
tenke iha nafatin sentidu Estadu atu tau nafatin valór demokrasia tuir dalan
ne'ebé loos no di'ak.
Tomé Amado | Independente
Sem comentários:
Enviar um comentário