DILI, (TATOLI) - Komisariu
Polisia Nasionál Timor Leste, Julio da Costa Hornay lori instituisaun
FALINTIL-Forsa Defesa Timor-Leste (F-FDTL) ho Polisia Nasionál Timor-Leste
(PNTL) hato’o parabéns ba povu, lider partidu polítiku tanba ho maturidade
polítika hodi fó susesu eleisaun antisipada ho pás no estabilidade.
“Ami F-FDTL no PNTL ne’ebé
responsabiliza maximum ba seguransa hato’o ami nia parabéns no agradesimentu
boot ba povu liuliu jovens,” komisáriu Julio Hornay hato’o iha konferénsia
imprensa hamutuk iha kuartél jerál FDTL Fatu hada, Dili, ohin.
Tuir Julio estabilidade no pas
mak bele garante dezenvolvimentu tanba ne’e nia husu atu matein pás no
estabilidade ba futuru.
Instituisaun rua nee sei kontinua
mantein pás no estabilidade iha territóriu too formasaun Governasaun da-ualu.
“Ami promete atu la tolera ema ka
kualkér grupu atu kria instabilidade,” Julio da Costa Hornay promete.
Agradese mós ba efetivus polisia
hahú husi superior too soldadu ne’ebé servisu makas hodi fó susesu ba EA.
Husu mantein nafatin imparsialidade,
neutralidade hodi servisu hamutuk apoiu malu, mantein seguransa iha rai laran.
Entretantu, Komandu Falintíl
FDTL, Major Jenerál, Lere Anan Timor hato’o mós parabéns ba povu, lider
partidu polítiku, no bloku aliansa mudansa ba progresu.
Lere apresia servisu FDTL no PNTL
hodi fó ona seguransa ba EA ho susesu maski enfrenta problema fasilidade no
seluk tan.
Jornalista: Agapito dos Santos | Editór:
Manuel Pinto
Sem comentários:
Enviar um comentário