Primeiru-ministru ho
sekretáriu-jeral Fretilin nian, Mari Alkatiri, hatudu konfiante, iha
loron-sábadu ne'e, ba vitória hosi nia partidu iha eleisaun lejislativu antesipadu,
ne'ebé halo menus tinan ida hafoin eleisaun anterior.
"Bainhira ha'u hahú kampaña,
ha'u senti konfiante no konfiansa hahú aumenta", hatete hosi
sekretáriu-jeral hosi Frente Revolucionária do Timor-Leste Independente
(Fretilin), momentu balun hafoin vota iha Eskola No. 1 iha Farol, iha sentru
Díli nian.
Hatán kona-ba lian maka'as
kampaña nian, ho insultu no krítika sira, Alkatiri hatete katak atake sira
ikusmai ajuda nia.
"Sé maka uza ona linguajen
agresivu ho insultu ne'e maka ajuda ona ha'u. Obrigadu barak ba sira", nia
afirma.
Ho estasaun votu haat, eskola
Farol hanesan sentru votasaun ida hosi sentru votasaun tolu hosi suku Motael,
iha zona sentral sidade Díli nian, ne'ebé iha eleitor resenseadu hamutuk 3.990.
Hamutuk, iha ona eleitor rihun
785 ne'ebé maka bele vota to'o tuku 15:00, iha estasaun votu hamutuk 1.160,
fahe iha sentru votasaun hamutuk 885 no instala iha suku hamutuk 452 iha nasaun
laran.
Eleitor sira iha estranjeiru bele
vota mós iha Austrália (Darwin, Melbourne ho Sydney), iha Koreia-Súl (Seul),
iha Portugal (Lisboa ho Porto) no iha Reinu Unidu (iha Dungannon, Londres ho
Oxford). Iha estranjeiru, fatin sira votu nian loke iha períudu hanesan: 07:00
to'o tuku 15:00 - oras lokal.
SAPO TL ho Lusa
Sem comentários:
Enviar um comentário