DILI, (TATOLI) – Parlamentu
Nasionál (PN) liuhosi votasaun iha plenária estraordinária parte loraik ohin,
aprova ho votu unanimidade (62 votus) hodi aseita ba dezlokasaun Prezidente
Repúblika (PR) nia vizita estadu ba Repúblika Indonézia ne’ebé tuir ajenda
huhu viajen iha loron 27 to’o 30 Juñu ne’e.
Objetivu vizita xefe estadu
Francisco Guterres Lú Olu ba Repúblika Indonézia, ida mak; atu hametin lasu
amizade entre Timor-Leste no Repúblika Indonézia.
Prezidente Parlamentu Nasionál
konsidera vizita Xefe Estadu ne’e urjente no prioridade.
“Ami konsidera pedidu ne’e
hanesan urjente tanba ita presiza halo asertamentu prosesu protokolár entre
nasaun rua nian tanba ne’e meza konsidera no iha konferénsia líderes bankada
ami tau hanesan prioridade no aprova ohin hodi nune’e preparasaun xefe estadu
bele di’ak liu-tan”, Prezidente PN, Arão esplika ba jornalista sira, iha
Parlamentu Nasionál, ohin.
Nia mós informa katak, vizita
Prezidente Lú-Olo ba Indonézia tanba kumpre konvite ne’ebé hato’o husi
Prezidente Repúblika Indonézia, Jokowi.
Jornalista: Julia Chatarina | Editór:
Manuel Pinto
Imajen: Membru Deputadu
Parlamentu Nasional Perodu 2018-2023 wainhira halao votasaun ba presidenti
Parlamentu iha edifisiu Parlamentu Nasional 13 de Juinu 2018. FOTO TATOLI
Sem comentários:
Enviar um comentário