Fretilin, forsa boot opozisaun
iha Timor-Leste, asinala aniversariu ba dala 44 ho apelu ida katak valor luta
nian ba libertasaun nasaun nian bele sai boot liu ho partisipasaun populasaun
nian iha dezenvolvimentu nasional.
"Oras too ona hodi inklui
povu hotu iha prosesu dezenvolvimentu nasional ho forma garante partisipasaun
no kontribuisaun hotu-hotu nian, iha prosesu hotu", hatete José Reis,
sekretáriu-jeral adjuntu Frente Revolucionária do Timor-Leste Independente
(Fretilin), iha komunikadu ida ne'ebé haruka ba Lusa.
"Partisipasaun no
kontribuisaun timoroan sira hotu nian, iha prosesu dezenvolvimentu, sei garante
reforsu demokrasia nian iha ita nian pátria Timor-Leste", akresenta.
Iha loron 11 Setembru 1974, moris
partidu daruak iha Timor-Leste, Associação Social Democrata Timorense (ASDT)
transforma tiha ba Fretilin, kria tanba dirijente sira iha altura neba
konsidera katak iha nesesidade atu une populasaun iha frente ida.
Fretilin, liu hosi brasu politiku
no armadu, Falintil sira (Forças Armadas de Libertação Nacional de
Timor-Leste), sai hanesan baze ba inisiu ba luta sira ba independénsia
Timor-leste nian no kontra okupasaun indonezia.
José Reis mós subliña katak,
maski luta kontra invazaun hotu ona, nasaun ne'e no timoroan sira agora daudaun
ne'e enfrenta "luta foun ida kontra kiak no injustisa" no
dezenvolvimentu nasional.
"Iha loron ida ne'e, ita
tenki onra memoria ita nian heroi sira no luta naruk ne'ebé ita konsegue manan
hodi liberta ita nian doben Timor-Leste, no ita tenki kontinua luta hodi
liberta povu hosi kiak no mizeria", afirma.
Tanba ne'e, no hanesan saida mak
akontese wainhira Fretilin moris hanesan "frente inkluziva", klaru
katak agora ne'e "nesesidade reforsu unidade nian no inkluzaun iha prosesu
hodi dezenvolvimentu nasional", akresenta.
SAPO TL ho Lusa
Sem comentários:
Enviar um comentário