Provedoria Direitus Humanus no
Justisa (PDHJ) rekomenda ba Konsellu Ministrus ho Parlamentu Nasional atu
bele produs rejimi espesífiku ida hodi bele identifika Funsionariu Publiku (FP)
ho kargu xefias no Ministru sira neb’e aproveita rekusu Estadu nian hodi
hariku-án.
Provedor Silveira Baptista Pinto
hateten, susar oituan atu bele kondena funsionariu estadu balun “riku matak”
tanba halo abuzu poder, tanba la iha lei espesifiku nebé fo komptensias ba
Comissão Anti Corrupção (CAC) atu bele hola medidas identifikasaun rigor ba
situasaun ida ne’e.
“Ita presiza iha lei
espesifiku ne’ebé uza hanesan baze ba CAC hodi hala’o nia kna’ar. Durante ne’e
CAC hanesan instituisaun ida maibe lei ne’ebé koalia kona-ba aktus
irregularidade no aktus korrupsaun sira ne’e ita sei uza hela kodigu penal. Ita
presiza rezimu espesifiku,” hateten Provedor Silveiro Pinto, hodi responde
JNDiario iha Tower Fatuhada, Dili, Segunda (10/9/2018).
Silveira senti dúvidas ho
preokupasaun membru Parlamentu Nasional (PN) nebé akuza funsionariu publiku iha
instituisaun Estadu balun “riku matak”, mas la iha baze fundamentu.
Tanba ne’e, nia husu ba PN karik iha duni politika diak atu kombate korrusaun,
tenke produs lalais ona lei ba CAC nian.
Dau-daun ne’e, CAC uza hela
Kodigu Penal hodi hala’o nia knar no kompetensia mas la sufisiente atu kondena
autor sira nebé komete kazu abuzu poder ho korrupsaun.
Jornalista JNDiario mos tenta
verifika informasaun balun husi Diretor Jeral Prevensaun CAC, Rosario Salsinha
Araújo, kona-ba servisu CAC nian em-relasaun ho kazu abuzu poder ho korrupsaun,
maibe Diretor Jeral Prevensaun CAC nian ne’e dezmente fo informasaun ho rajaun
tanba nia la iha kompetensias atu koalia kona-ba kazu korrupsaun mak CAC
presesa ona no balun iha hela investigasaun nia laran.
Antes ne’e mós deputadu husi
Bankada FRETILIN Marito Mota, deklara katak, nia iha evidensia balun nebé
indika funsionariu husi Agensia Dezenvolvimentu Nasional (ADN) “riku derepenti”. ety
GMN TV | Grupo Média Nacional
Sem comentários:
Enviar um comentário