DILI, (TATOLI) – Membru
nasaun sira ne’ebé ko’alia lian-portugés (CPLP-sigla portugés) sei partisipa
konferésia Tribunál Kontas ne’ebé sei realiza iha Timor-Leste durante loron
rua, hahú 27-28 setembru.
“Timor-Leste sei realiza
atividade konferésia kona-ba tribunál kontas nian durante loron rua no sei
hetan prezensa hosi delegasaun tribunál kontas CPLP nian”, Prezidente Tribunál
Rekursu, Deolindo dos Santos, ba jornalista sira hafoin hasoru malu ho lider
másimu parlamentár, Arão Noe, iha uma fukun, ohin.
Nia dehan eventu ne’e sei
partisipa hosi delegasaun nasaun CPLP nian liliu sei partisipa hosi Prezidente
Tribunál Kontas CPLP inklui nasaun Macau ne’ebé hola parte iha teritóriu
portugés.
Hosi prezensa delegasaun CPLP
nian, Prezidente Tribunál husu disponibilidade Prezidente Parlamentu atu
disponibiliza tempu hodi sira (Delegasaun CPLP) mai halo vizita kortezia iha
orgaun lejislatura Timor-Leste nian.
“Ha’u mai hato’o pedidu mai
prezidente parlamentu atu disponibilza tempu atu delegasaun CPLP sira mai halo
vizita orgaun lejislativa hodi hasoru Prezidente Parlamentu inklui Komisaun A
no B”, dehan.
Parte seluk, Prezidente
Parlamentu Nasionál, Arão Noe, hatete loloos konferésia hala’o ona iha fulan
hirak kotuk maibé ho situasaun polítika rai laran mak adia fali.
Bainaka sira sei to’o iha 23
setembru, no sei prepara-án hodi mai halo vizita ida iha parlamentu.
Vizita delegasaun ba uma fukun
importante, tanba durante tempu naruk Timor-Leste hetan asisténsia barak hosi
tribunál kontas hosi nasaun irmaun CPLP ne’ebé fó apoiu ba funsionamentu
tribunál kontas Timor-Leste nian.
Enkuantu, porsesu normál tribunál
kontas iha nasaun CPLP ho ida-idak nian autonómia no independente maibé
Timor-Leste nian sei hamutuk ho Tribunál Rekursu, tanba Timor-Leste sei iha
limitasaun rekursu umanu, nune’e ita sei junta hela ho orgaun rua ne’e iha
tribunál, katak Arão.
Entretantu, membru nasaun CPLP
hamutuk 10, mak Angola, Brazil, Cabo Verde, Guine Bisau, Guine Equatorial,
Mocambique, Portugal, São Tome Princípe no Timor-Leste.
Jornalista: Zezito Silva | Editora:
Rita Almeida
Prezidenti Tribunál Rekursu,
Deolindo dos Santos. Imajen Ajénsia TATOLI/Xisto Freitas
Sem comentários:
Enviar um comentário