Revizaun estatutu sira CPLP nian
ne'ebé aprova hosi Governu portugués iha loron-kinte ne'e, ne'ebé maka inklui
mós sansaun sira ba estadu-membru sira ne'ebé maka viola ordem konstitusional,
só tama iha vigor entre tinan tolu ba tinan lima oinmai, hatete fonte
organizasaun nian ba Lusa.
Hodi ida ne'e bele realiza,
estadu-membru sira hotu Komunidade Nasaun sira Lian Portugueza nian (CPLP)
presiza konklui prosesu aprovasaun no ratifikasaun tuir sira nian ordem
juridika interna sira no hafoin ne'e notifika sekretariadu ezekutivu CPLP nian
ratifikasaun akordu nian, presesu ida ne'ebé maka tuir norma, neneik.
Too agora la iha estadu ida maka
konklui ona prosesu ne'e, no ne'ebé maka la hein, tanba revizaun estatutu sira,
ne'ebé maka rezulta hosi konvensaun internasional ida, iha fulan Jullu 2017 no
prosesu aprovasaun, ratifikasaun, promulgasaun no depozitu demora tempu,
adianta hosi fonte ne'ebé hanesan.
Iha loron-kinta ne'e, Portugal fó
ninian pasu dahuluk iha prosesu ne'e, ho Governu aprova iha Konsellu Ministru
estatu sira revistu iha tinan 2017.
Diploma ne'e agora lori ba
Parlamentu hodi ratifika hodi bele, lori fali ba Prezidénsia Republikaatu bele
promulga.
Hafoin estadu-membru sira hotu
konklui prosesu ne'e, sekretariu-ezekutivu CPLP nian komunika ba ida-idak hodi
hotu-hotu konklui prosesu ne'e, hodi estatutu sira ne'e bele vigora no bele
inklui iha orden juridika interna sira, konklui hosi fonte ne'e.
Too ne'ebá, Komunidade Nasaun
sira Lian Portugueza sira kontinua tuir estatutu tinan 2007, ne'ebé maka iha
hela vigor, maski iha ona revizaun anterior iha tinan 2017, iha tinan 2012,
ne'ebé maka inklui medida sansionatoria hodi aplika ba estadu-membru sira
ne'ebé maka viola ordem konstitusional.
Maibé, alterasaun ba estatu sira
tinan 2012 nunka too ratifika hosi estadu-membru sira hotu. Maibé alterasaun
sira ne'ebé iha revizaun ne'e intgra mós iha revizaun tinan 2017 nian.
Aleinde medida sansionatori sira
ne'e, revizaun estatutu CPLP nian la iha modifikasaun sira ne'ebé importante.
Alterasaun barak maka iha klarifikasaun no detalle artigu sira ne'ebé maka halo
teste ne'e estruturadu liu.
Artigu 7.º. ne'ebé maka inklui
sansaun sira refere katak, "karik iha violasaun ne'ebé grave hosi ordem
konstitusional iha Estadu-membru ida, Estadu-membru sira seluk halo konsulta
hodi repós ordem konstitusional".
Tuir artigu ne'ebé hanesan,
"Konsellu Ministru maka sei desidi, ho karáter urjénsia, konabá medida
sansionatoria sira ne'ebé atu aplika, ne'ebé maka abranje hosi suspensaun
partisipasaun iha prosesu desizaun iha ordem espesifiku too suspensaun total
partisipasaun iha atividade sira CPLP nian.
"Desizaun sira Konsellu
Ministru nian konabá suspensaun Estadu-membru ida sei foti ho konsensu entre
Estadu-membru sira seluk", lé mós iha artigu ne'e.
Aleinde Portugal, Angola, Brazil,
Cabo Verde, Guiné-Bisau, Guiné Ekuatorial, Mosambike, São Tomé e Príncipe no
Timor-Leste, mós halo parte iha CPLP.
SAPO TL ho Lusa
Sem comentários:
Enviar um comentário