Iha komunikadu, ezekutivu esplika ona katak desizaun, aprova iha Konsellu Ministru, haree ba "evolusaun preokupante hosi situasaun epidemiolójiku ho propagasaun hosi kazu sira ne'ebé rejista hosi kontájiu COVID-19 nian, iha nível rejional ho nível mundial".
Hakarak "evita mós ho neutraliza risku sira propagasaun hosi SARS-CoV-2 hodi nune'e proteje saúde públika ho kapasidade hodi hatán hosi Sistema Nasional Saúde nian".
Estadu extraordináriu sei implika manutensaun hosi medida sira ne'ebé hala'o daudaun, liuliu "suspensaun ka limitasaun hosi direitu sira sirkulasaun internasional nian, sirkulasaun ho fiksasaun hosi rezidénsia ka rezisténsia nian".
Prolongamentu, ne'ebé agora sei konsidera hosi Prezidente, sei halo fali reuniaun sira hosi Konsellu Estadu ho Konsellu Superior Defeza ho Seguransa nian, antes debate ida iha Parlamentu Nasional.
Rekorda katak Timor-Leste, ne'ebé agora daudaun laiha kazu ativu hosi COVID-19 nian, agora daudaun iha hela períudu dalima, durante loron 30 nia laran, hosi estadu emerjénsia, ne'ebé hotu iha inísiu Outubru.
Hahú hosi inísiu pandemia, Timor-Leste rejista ona total ida hosi kazu konfirmadu hamutuk 27, pasiente sira rekupera hotu ona, agora daudaun iha ema na'in 680 iha kuarentena no na'in 174 iha izolamentu iha uma.
Halo ona teste hamutuk 6783, ema na'in 130 hein hela rezultadu sira.
Sapo TL | Lusa
Sem comentários:
Enviar um comentário