DILI
- Primeiru Ministru São Tome e Principe, Patrice Emery Trovoada, liu husi
Ministru Justisa Roberto Pedro Paposa, lori mensajen povu São Tome e Principe
hodi hatoo ba povu Timorense katak lian ofisiál Portuges maka kesi metin rai
rua ba futuru, hodi kontinua hadia dezenvolvementu diak liu tan.
Tuir
Ministru Justica São Tome e Principe Roberto Pedro Paposa katak enkontru ohin
ho Primeiru Ministru TL Rui Maria de Araujo nee importante tebes, tamba nia
lori mensajen Primeiru Ministru São Tome e Principe nia mai hatoo ba Governu
TL, katak Nasaun rua nee kontinua hametin koopersaun no lasu amizade, iha
momentu neebe maka oras nee iha konfrensia Ministeru Justica CPLP nia.
Tamba
nee hau lori mensajen konkreta e nome povu São Tome e Principe atu koalia
nafatin asuntu nasional no internasional povu São Tome e Principe hamutuk ho
Povu Timorense, ita servisu hamutuk ba hari paz no dezenvlvimentu iha pais nee,
para atu mellora kondisaun vida povu Timorense, hau fiar katak ba futuru povu
Timorense sei trankilu (kontente) ho dezenvolvimentu neebe iha ho Lingua mak
halo ita hamutuk hodi dezenvolve nafatin rai rua nee ba oin,” dehan Roberto, ba
jornalista sira hafoin remata enkontru ho Primieru Ministru Rui Maria de
Araujo, iha Palasiu Governu, Kuarta (24/06/2015).
Nia
mos hatutan tan katak liu husi koopersaun no lasu amizade ida nee, bele
kompleta malu hodi lori povu no nasaun rai rua nee ba moris diak.
Entertantu
Primeiru Ministru Rui Maria de Araujo mos ho laran luka simu mensajen neebe mai
husi Primeiru Ministru São Tome e Principe. Informasaun kompletu iha STL Jornal
no STL Web, edisaun Kinta (25/6/2015). Joao Anibal
Suara
Timor Lorosae
Sem comentários:
Enviar um comentário